აშშ-ში გასული დღე-ღამის განმავლობაში, კორონავირუსით ინფიცირების 69 230 ახალი შემთხვევა გამოვლინდა და 2 542 ადამიანი გარდაიცვალა, - ინფორმაციას CNN-ი ჯონს ჰოპკინსის უნივერსიტეტზე დაყრდნობით ავრცელებს.

პანდემიის დაწყებიდან დღემდე, აშშ-ში კორონავირუსის 27 896 042 შემთხვევა დადასტურდა, ხოლო 493 082 ადამიანი გარდაიცვალა.

აშშ-ის დაავადებათა კონტროლისა და პრევენციის ცენტრის ინფორმაციით, ქვეყანაში დღემდე კორონავირუსის საწინააღმდეგო ვაქცინების 73 377 450 დოზაა განაწილებული, აქედან მოქალაქეების ასაცრელად 57 737 767 დოზაა გამოყენებული.

დაავადებათა კონტროლისა და პრევენციის ცენტრის სტატისტიკის თანახმად, ქვეყანაში კორონავირუსის ახალი, ე.წ. ბრიტანული, სამხრეთ აფრიკული და ბრაზილიური ვარიანტების 1 549 შემთხვევაა დაფიქსირებული.