ანრი ოხანაშვილი - ჩვენ მოლაპარაკების კარი არასდროს დაგვიხურავს - დაველოდოთ პოზიციებს ოპოზიციური ჯგუფების მხრიდან, შეიცვალეს თუ არა დამოკიდებულება, რომ ნაცვლად რადიკალიზმისა, დემოკრატიული გზა აირჩიონ

ჩვენ მოლაპარაკების კარი არასდროს დაგვიხურავს, დაველოდოთ პოზიციებს ოპოზიციური ჯგუფების მხრიდან - შეიცვალეს თუ არა დამოკიდებულება, რომ ნაცვლად რადიკალიზმისა, დემოკრატიული გზა აირჩიონ ,- ამის შესახებ პარლამენტის იურიდიულ საკითხთა კომიტეტის თავმჯდომარე ანრი ოხანაშვილმა ჟურნალისტებთან განაცხადა.

მისი თქმით, რამდენად გაგრძელდება მოლაპარაკებები, ეს ოპოზიციაზეა დამოკიდებული.

"მოლაპარაკებებთან დაკავშირებით გაჟღერებულია ჩვენი პოზიცია, ჩვენ კარი არასდროს დაგვიხურავს, ჩვენ ყოველთვის ვიყავით და დღესაც ვრჩებით ერთგული იმის, რომ პროცესები უნდა წარიმართებოდეს დემოკრატიულ ჩარჩოებში, სწორედ მოლაპარაკებების გზით და თუკი ვინმეს არ სურდა ეს მოლაპარაკებები, სამწუხაროდ ესენი იყვნენ რადიკალური ჯგუფები. ჩვენი მხრიდან არაფერი შეცვლილა, ჩვენი მხრიდან, რაც იყო დღის წესრიგი, რომ დემოკრატიულ ფარგლებში უნდა ვაწარმოოთ მოლაპარაკებები, ეს ძალაშია ისევ, ამიტომ უნდა დაველოდოთ შემდგომ პოზიციებს ოპოზიციური ჯგუფების მხრიდან, შეიცვალეს თუ არა დამოკიდებულება, რომ ნაცვლად რადიკალიზმისა, აირჩიონ დემოკრატიული გზა, ამიტომ ეს მათზეა დამოკიდებული", - განაცხადა ოხანაშვილმა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს