დავით ზილფიმიანი განმარტავს, რატომ არ დაუჭირა მხარი მთავრობის განახლებულ შემადგენლობას

"ევროპელი-სოციალისტების” წევრი, დავით ზილფიმიანი განმარტავს, რატომ არ დაუჭირა მხარი მთავრობის განახლებულ შემადგენლობას.

როგორც ის ჟურნალისტებთან აცხადებს, ქვეყანაში არსებული პრობლემები არ იძლევა უფლებას, რომ მინისტრთა ახალი კაბინეტისთვის მხარდაჭერა გამოეცხადებინა.

“ჩვენ დავრეგისტრირდით და არ დავუჭირეთ მხარი. იმ მიზეზების გამო, იმ მდგომარეობის გამო, რაც პროკურატურაში, სასამართლოშია, როგორ მდგომარეობაშიც ჩვენი მოსახლეობაა, იმ მცირე, გროშების გამო, რითაც ჩვენი მეცნიერები, პროფესორ-მასწავლებლები იკვებებიან. იმ პრობლემების გამო, რამაც დღეს ჩვენს ქვეყანას არ მისცა საშუალება, რომ ბოლომდე წელგამართული იყოს. ეს ყველაფერი არ გვაძლევს იმის უფლებას, რომ დღევანდელი მთავრობისთვის მხარი დაგვეჭირა.

თავის შეკავება რომ მდომებოდა, რეგისტრაციას არ გავივლიდით. ჩვენ გავიარეთ რეგისტრაცია და მხარი არ დავუჭირეთ”, - განაცხადა ზილფიმიანმა.

რაც შეეხება პრემიერ-მინისტრ ირაკლი ღარიბაშვილის დღევანდელ განცხადებებს, ზილფიმიანი ამბობს, რომ მის განცხადებებში მუქარა დაინახა, თუმცა მხოლოდ ქვეყნის მტრების მისამართით.

“ეს არის ქვეყნის მტრებისკენ მიმართული მუქარა და არა საკუთარი მოქალაქეების მიმართ. მუქარა დავინახე იმ ხისტ მიდგომაში, რომლითაც გადაწყვეტილია, რომ იბრძოლონ ქვეყნის მტრების წინააღმდეგ”,- განაცხადა ზილფიმიანმა.

ცნობისთვის, საქართველოს პარლამენტმა მთავრობის განახლებული შემადგენლობა დაამტკიცა. ირაკლი ღარიბაშვილის მიერ წარდგენილ მინისტრთა კაბინეტსა და სამთავრობო პროგრამას ნდობა 89 ხმით გამოუცხადეს. 2 - მა დეპუტატმა ხმა მის წინააღმდეგ მისცა.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს