ირაკლი ღარიბაშვილი ნინო ლაცაბიძეს - გეთანხმებით, დემოგრაფია, მრავალშვილიანობის საკითხი საჭიროებს უფრო მეტ ყურადღებას სახელმწიფოს მხრიდან და მზად ვარ, აქტიურად განვიხილოთ საკითხი

გეთანხმებით, რომ დემოგრაფია, მრავალშვილიანობის საკითხი საჭიროებს უფრო მეტ ყურადღებას სახელმწიფოს მხრიდან და მზად ვარ, რომ აქტიურად განვიხილოთ აღნიშნული საკითხი, - ასე გამოეხმაურა პრემიერ-მინისტრობის კანდიდატი ირაკლი ღარიბაშვილი პარლამენტში რუსთავის მაჟორიტარი დეპუტატის ნინო ლაცაბიძის მიერ დასმულ კითხვას.

ირაკლი ღარიბაშვილის თქმით, ის მზად არის საკითხი აქტიურად განიხილოს და ნინო ლაცაბიძეს მოუწოდა, თავადაც ჩაერთოს აღნიშნული მიმართულებით მუშაობაში.

„მრავალშვილიანების პოლიტიკას რაც შეეხება, ამასთან დაკავშირებით მე დრო დამჭირდება. მართლაც გეთანხმებით, რომ ამ საკითხს სჭირდება დამუშავება და სპეციალური პროგრამების ამოქმედება, მე მოგიწოდებთ, რომ თქვენც ჩართულიყავით და ერთობლივად შევიმუშაოთ, თუ რა შეიძლება გაკეთდეს ამ მიმართულებით. გეტყვით, რომ მრავალშვილიანობის წასახალისებლად, მე ჯერ კიდევ შინაგან საქმეთა მინისტრი ვიყავი და ეს პროგრამა გადავიდა თავდაცვაშიც, მრავალშვილიანებს ჩვენ ცალკე დავუწესეთ დანამატები, ასევე შვილის შეძენაზე გვქონდა ჩვენ წამახალისებელი ერთჯერადი 1000 - ლარიანი დანამატები და ასე შემდეგ. გეთანხმებით, რომ დემოგრაფია, მრავალშვილიანობის საკითხი საჭიროებს უფრო მეტ ყურადღებას სახელმწიფოს მხრიდან და მზად ვარ, რომ აქტიურად განვიხილოთ აღნიშნული საკითხი", - განაცხადა ირაკლი ღარიბაშვილმა.

ცნობისთვის, დეპუტატმა ნინო ლაცაბიძემ ირაკლი ღარიბაშვილს მრავალშვილიანი ოჯახების მდგრადი ეკონომიკური გაძლიერების თაობაზე დაუსვა კითხვა.

„მრავალშვილიანი ოჯახების მდგრადი ეკონომიკური გაძლიერების შესახებ, ჩვენ ვიცით, რომ სახელმწიფო და მუნიციპალურ დონეზე არაერთი სოციალური პროგრამა და სერვისი გვაქვს სოციალურად დაუცველი მრავალშვილიანი ოჯახებისთვის, მაგრამ ეს საკმარისი ნამდვილად არ არის. თუ ჩვენ ვთანხმდებით, რომ მრავალშვილიანი ოჯახები ჩვენი ქვეყნის სიძლიერეა, მაშინ უფრო ქმედითი ნაბიჯები უნდა გადავდგათ ოჯახების გასაძლიერებლად. ჩვენი დემოგრაფიული მდგომარეობის გათვალისწინებით, მათ აუცილებლად სჭირდებათ ჩვენი გვერდში დგომა, არ აქვს მნიშვნელობა სოციალურად დაუცველია თუ არა ოჯახი, აუცილებელია სახელმწიფოს თანადგომა იგრძნოს", - მიმართა ნინო ლაცაბიძემ ირაკლი ღარიბაშვილს.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს