დავით სერგეენკო - „ნაციონალური მოძრაობა" რომ დაკავების მეთოდებს იწუნებს, საოცრებაა, გადაახვიონ და ნახონ თავისი ჩადენილი საქმეები

„ნაციონალური მოძრაობა" რომ დაკავების მეთოდებს იწუნებს, საოცრებაა, გადაახვიონ და ნახონ თავისი ჩადენილი საქმეები, - ამის შესახებ საპარლამენტო უმრავლესობის წევრმა დავით სერგეენკომ ჟურნალისტებთან განაცხადა.

სერგეენკო მელიას დაკავებაზე საერთაშორისო კრიტიკას ეხმიანება და აცხადებს, რომ გამოძიებამ მაქსიმალურად უნდა იმუშაოს, რათა ამ საქმეს პოლიტიკური შემადგენელი ჩამოაცილოს და საზოგადოებას მიაწოდოს მშრალი ინფორმაცია სამართლებრივ შემადგენელზე. სერგეენკო მიიჩნევს, რომ ამის შემდეგ ქვეყანას ევროინტეგრაციის გზაზე არაფერი დაემუქრება.

„არც ერთი სახელმწიფო არ დაუშვებს იმას, რომ მისი სახელმწიფო ინსტიტუტები და სიმბოლოები იყოს ხელყოფილი და იგივე მოხდა რამდენიმე დღის წინ შეერთებულ შტატებში, ვგულისხმობ კაპიტოლიუმზე შტურმის ორგანიზატორების დაკავებას.

ეს საკითხი შედგება სამი ნაწილისგან - სამართლებრივი, პოლიტიკური და საინფორმაციო ნაწილისგან და ბოლო ორი უბრალოდ გადაბერილია. რაც შეიძლება მალე უნდა მიეცეს გამოძიებას იმის საშუალება, რომ ბოლომდე მიიყვანოს ეს საქმე, სასამართლომ უნდა მიიღოს გადაწყვეტილება, რომ რეალური გადაწყვეტილება გვქონდეს უკვე, რათა პოლიტიკური შემადგენელი მოცილდეს ამას.

თავს ვიკავებ ხოლმე მაქსიმალურად ხისტი შეფასებებისგან, მაგრამ „ნაციონალური მოძრაობა" რომ დაკავების მეთოდებს იწუნებს და ამბობს, რომ საბჭოთა მეთოდებია, საოცრებაა, უბრალოდ გადაახვიონ და ნახონ თავისი ჩადენილი საქმეები,"- აცხადებს სერგეენკო.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024