Facebook-ი ავსტრალიაში დაწესებულ შეზღუდვებს ხსნის

Facebook-ის ავსტრალიელ მომხმარებელს ახალი ამბების ნახვისა და გაზიარების შესაძლებლობა კვლავ მიეცემა, - BBC-ის ინფორმაციით, ამის შესახებ კომპანიამ დღეს განაცხადა.

„მთავრობამ განგვიმარტა, რომ შევინარჩუნებთ შესაძლებლობას, გადავწყვიტოთ, გამოჩნდება თუ არა ახალი ამბები Facebook- ზე, ასე რომ, იძულებითი მოლაპარაკებების მონაწილე ავტომატურად არ გავხდებით. მივაღწიეთ შეთანხმებას, რომელიც საშუალებას მოგვცემს, მხარი დავუჭიროთ იმ გამომცემლობებს, რომლებსაც ავირჩევთ, მათ შორის მცირე და ადგილობრივ გამომცემლობებს,“ - განაცხადა Facebook- ის ახალი ამბების პარტნიორობის ვიცე-პრეზიდენტმა კემპბელ ბრაუნმა.

ინფორმაცია ავსტრალიის ხაზინადარმა, ჯოშ ფრიდენბერგმაც დაადასტურა და განაცხადა, რომ Facebook- ზე ახალი ამბების გვერდები "უახლოეს დღეებში" აღდგება.

კომპანია Facebook-მა ავსტრალიური მედია და სამაუწყებლო კომპანიები რამდენიმე დღის წინ დაბლოკა, გარდა ამისა, ავსტრალიელ მომხმარებელს ახალი ამბების ნახვა და გაზიარებაც აეკრძალა.

Facebook-მა ეს გადაწყვეტილება ახალი კანონპროექტის საპასუხოდ მიიღო, რომელიც ტექნოლოგიურ გიგანტებს, როგორიც Google და Facebook-ია, ახალი ამბების განთავსების ან გაზიარების გამო ავსტრალიური გამომცემლობებისთვის გარკვეული საფასურის გადახდას ავალდებულებს.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს