ევროპული საბჭოს პრეზიდენტი  საქართველოს მომავალ კვირაში ეწვევა

ევროპული საბჭოს პრეზიდენტი შარლ მიშელი საქართველოს მომავალ კვირაში ეწვევა.

ოფიციალური ინფორმაციით, შარლ მიშელი 28 თებერვლიდან 3 მარტის პერიოდში მოლდოვას, საქართველოს და უკრაინას ესტუმრება.

ევროპული საბჭოს პრეზიდენტი ჯერ მოლდოვაში გამართავს შეხვედრებს, შემდეგ კი საქართველოში გაემგზავრება.

მისი შეხვედრები დაგეგმილია პრეზიდენტ სალომე ზურაბიშვილთან, პრემიერ-მინისტრ ირაკლი ღარიბაშვილთან და პარლამენტის თავმჯდომარე, არჩილ თალაკვაძესთან. ის ასევე მოინახულებს ადმინისტრაციულ საზღვარს და შეხვდება ოპოზიციის წარმომადგენლებს.

საქართველოდან შარლ მიშელი უკრაინაში გაემგზავრება.

„ორმხრივი ურთიერთობებისა და Covid-19- ის წინააღმდეგ ჩვენი საერთო ბრძოლის გარდა, აღმოსავლეთ პარტნიორობის მომავალი, ასევე მნიშვნელოვანი საკითხი იქნება დღის წესრიგში“, - აღნიშნულია ინფორმაციაში.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული