ოკუპირებულ აფხაზეთში კორონავირუსის 23 ახალი შემთხვევა დაფიქსირდა, ერთი პაციენტი გარდაიცვალა
ოკუპირებული აფხაზეთის ტერიტორიაზე ბოლო 24 საათის განმავლობაში ჩატარებული 175 ტესტის შედეგად, კოვიდ -19 გამოუვლინდა 23 ადამიანს.
მედიის ინფორმაციით, ამ დროისთვის, გუდაუთის საავადმყოფოში 20 პაციენტი მკურნალობს. მათ შორის მძიმე მდგომარეობაშია 8 პაციენტი, 17-ის მდგომარეობა საშუალო სიმძიმისაა.
მთლიანობაში ოკუპირებულ რეგიონში კორონავირუსით დაინფიცირებულთა რაოდენობა 12 931 ადამიანს შეადგენს, გამოჯანმრთელდა 12 390.
კორონავირუსით ოკუპირებულ აფხაზეთში ერთი ადამიანი გარდაიცვალა და ვირუსით გარდაცვლილთა საერთო რაოდენობა 203-მდე გაიზარდა.
