ოკუპირებული ცხინვალის რეგიონის დე ფაქტო პრეზიდენტის წარმომადგენელი პოსტკონფლიქტურ საკითხებში, მურატ ჯიოევი აცხადებს, რომ ერგნეთში, ინციდენტების პრევენციისა და მათზე რეაგირების მექანიზმის შეხვედრაზე ე.წ. „საზღვრის“ უსაფრთხოებისა და სოფელ წნელისთან „უკანონოდ განთავსებულ“ საგუშაგოსთან დაკავშირებულ საკითხებს დააყენებენ. ინფორმაციას ადგილობრივი მედია ავრცელებს.
”შეხვედრაზე დაგეგმილია საზღვრის უსაფრთხოებასთან, სოფელ უისტასთან განთავსებულ არალეგალურ ბლოკპოსტსა და სასაზღვრო რეგიონებში არსებულ ვითარებასთან დაკავშირებული საკითხების დაყენება,“- აღნიშნა ჯიოევმა.
შეგახსენებთ, რომ ხუთთვიანი პაუზის შემდეგ, ერგნეთში, ინციდენტების პრევენციისა და მათზე რეაგირების მექანიზმის რიგით 98-ე შეხვედრა იმართება.