ოკუპირებულ აფხაზეთში დე - ფაქტო პრეზიდენტის ყოფილი თანაშემწის სახლიდან საბრძოლო მასალები ამოიღეს

ოკუპირებული აფხაზეთის საერთაშორისო საკითხებში დე - ფაქტო პრეზიდენტის თანაშემწის ახრა ავიძბას საცხოვრებელი სახლიდან ე.წ. შსს-ს თანამშრომლებმა დიდი რაოდენობით ცეცხლსასროლი იარაღი და საბრძოლო მასალები ამოიღეს. ამის შესახებ „სპუტნიკი“ იუწყება.

ამოღებულ საბრძოლო იარაღს შორისაა სხვადასხვა კალიბრის ტყვიები, ტანკსაწინააღმდეგო ხელყუმბარები, ხელის ტყვიამფრქვევები, ავტომატური ცეცხლსასროლი იარაღები, პისტოლეტები, ასევე რადიოგადამცემები.

ამოღებული მასალები გადაგზავნილია ექსპერტიზაზე.

ახრა ავიძბა ე.წ. ძალოვანებმა 4 მარტს საღამოს დააკავეს. ნათესავების განცხადებით, მისი დაკავების მიზეზი გახდა ის ფაქტი, რომ ოკუპირებული აფხაზეთის ტერიტორიაზე ავიძბას თან ახლდა ე.წ. დონეცკის სახალხო რესპუბლიკიდან ჩასული უკანონო შეიარაღებული „მოქალაქეები“. ავიძბასთან ერთად დაკავებული არიან აღნიშნული შეიარაღებული პირებიც.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა