რომის პაპი ფრანცისკე ერაყში 4-დღიანი ვიზიტის დროს ქალაქ მოსულის ყველაზე დიდ კათოლიკურ ტაძარს ესტუმრა.

კათოლიკური ტაძარი ერაყის ჩრდილოეთ ნაწილში მდებარეობს, რომელსაც წლების განმავლობაში „ისლამური სახელმწიფოს“ მებრძოლები აკონტროლებდნენ. საომარი მოქმედებების დროს ტაძარი ნაწილობრივ დაინგრა. პაპმა ომის დროს დაღუპულთა ხსოვნას პატივი მიაგო.

”რა საშინელებაა, რომ ამ ქვეყანამ, ცივილიზაციის აკვანმა, ასეთი ბარბაროსული დარტყმა გადაიტანა, გაანადგურეს უძველესი სალოცავი ადგილები და ათასობით ადამიანი - მუსლიმები, ქრისტიანები, იეზიდები და სხვები“ , - განაცხადა მან.

წინა დღეებში კი პაპი ბაღდადში ერაყის პრემიერ-მინისტრ მუსტაფა ალ-ქადიმსა და ერაყელი შიიტების უმაღლეს სასულიერო პირს, აიათოლა ალი ალ სისტანს შეხვდა. BBC-ის ინფორმაციით, პაპის დასაცავად ქვეყანაში ერაყის უსაფრთხოების ძალების 10 000 წევრია განლაგებული, ხოლო კორონავირუსის გავრცელების შეზღუდვისთვის დაწესებულია 24 -საათიანი „კომენდანტის საათი“.