რუსეთის პრემიერ - მინისტრი მიხეილ მიშუსტინი ოკუპირებული ე.წ. სამხრეთ ოსეთის დე ფაქტო პრემიერ - მინისტრს გენადი ბეკოევს თანამდებობაზე დანიშვნას ულოცავს. ამის შესახებ მისი პრესსამსახური იუწყება.

„რუსეთსა და "სამხრეთ ოსეთს" აკავშირებს მეგობრული, პარტნიორული და მოკავშირული ურთიერთობები. ეტაპობრივად ვითარდება სავაჭრო-ეკონომიკური, საინვესტიციო და კულტურულ-ჰუმანიტარული თანამშრომლობა, ხდება საშეთანხმებო-სამართლებრივი ბაზის სრულყოფა. განსაკუთრებით მინდა აღვნიშნო ერთობლივი აქტიური მუშაობის მნიშვნელობა სამთავრობო ხაზით ორმხრივი თანამშრომლობის სრული კომპლექსის გაზრდის მიზნით. ეს სრულიად პასუხობს რუსეთის და "სამხრეთ ოსეთის" ინტერესებს“, - აცხადებს მიშუსტინი.