პარტია „ქართული ოცნების" საარჩევნო სიის მიხედვით, თეა წულუკიანის ადგილმონაცვლე პარლამენტში ნინო იობაშვილია.
გენდერული კვოტირების თაობაზე საარჩევნო კანონმდებლობის ნორმების გათვალისწინებით, თეა წულუკიანს პარლამენტში ნინო იობაშვილი შეცვლის.
საქართველოს კულტურის, სპორტისა და ახალგაზრდობის მინისტრად თეა წულუკიანი დაინიშნა.
ცნობისთვის, პრემიერ-მინისტრის ბრძანების შესაბამისად, რომელსაც ირაკლი ღარიბაშვილმა ხელი დღეს მოაწერა, თეა წულუკიანი მინისტრის უფლებამოსილების შესრულებას 22 მარტიდან შეუდგება.
პრემიერ-მინისტრის ბრძანებითვე, მიხეილ ჩხენკელი, დღეიდან, დანიშნულია განათლებისა და მეცნიერების მინისტრად.