დავით სერგეენკო - მოლოდინი მაქვს, რომ მოლაპარაკება მსგავს ან განსხვავებულ ფორმატში განახლდება, მას ჩაშლილს ვერ დავარქმევდი

მოლოდინი მაქვს, რომ ეს მოლაპარაკება მსგავს ან განსხვავებულ ფორმატში განახლდება, მას ჩაშლილს ვერ დავარქმევდი, - ამის შესახებ ჟურნალისტებს საპარლამენტო უმრავლესობის წევრმა დავით სერგეენკომ განუცხადა.

მისივე თქმით, თუ ვისი მიზეზით ჩაიშალა „ქართული ოცნებისა“ და ოპოზიციის მოლაპარაკებები, ამის შეფასება ადრეა.

როგორც სერგეენკომ აღნიშნა, ის არ გამორიცხავს, რომ კრისტიან დანიელსონი კვლავ დაბრუნდეს და მოლაპარაკებების მორიგი რაუნდი გაიმართოს.

„ვის ინტერესებში შეიძლება შედიოდეს ამ მოლაპარაკების ჩაშლა, ეს არის ერთადერთი ის ძალა, მათ შორის რეგიონული, რომლისთვისაც საქართველოში დესტაბილიზაცია მათი კომფორტული მდგომარეობაა. საქართველოში დესტაბილიზაცია რომელი ქვეყნის ინტერესებშიც შედის, მისივე ინტერესებში შევა მოლაპარაკებების ჩაშლა, თუმცა, იმედია, რომ ჩაშლასთან არ გვაქვს საქმე. სივრცეს მოლაპარაკებისთვის კვლავ ვხედავ, კონკრეტიზაცია გამიჭირდა რა მიმართულებით და კონფიგურაციით შეიძლება ეს სივრცე შეიქმნას, თუმცა, ერთადერთი სწორი გზა არის მოლაპარაკებების გაგრძელება და შედეგის მიღება. იმედი მაქვს, რომ ეს ასეც მოხდება. რაც შეეხება იმას, ვის ინტერესებში შედის მოლაპარაკებების დესტრუქცია, ამაზე თავად დანიელსონმა გააკეთა ძალიან მკაფიო განცხადება. თუ დღეს ჩვენს დღევანდელ სტატუსს შევაფასებთ ისე, რომ მოლაპარაკებები ჩაიშალა, რასაც არ ვეთანხმები, ჩაშლილ მოლაპარაკებებს სჭრიდება ახალი გარემოება, იმისთვის, რომ განახლდეს. მე არ მიმაჩნია, რომ ეს მოლაპარაკებები ჩაშლილია, ერთი ეტაპი დამთავრდა, რომელშიც ევროპული საბჭოს წარმომადგენელი მონაწილეობდა. თუმცა, არ გამოვრიცხავ, რომ დაბრუნდეს და შემდეგი რაუნდიც გაიმართოს“, - განაცხადა სერგეენკომ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება