ვატო სურგულაძის განცხადებით, საქართველოს ჯანდაცვის სისტემა ვაქცინაციის პროგრამას ვერ მართავს

„ლელოს“ წევრის ვატო სურგულაძის განცხადებით, საქართველოს ჯანდაცვის სისტემა ვაქცინაციის პროგრამას ვერ მართავს. როგორც მან აღნიშნა, საქართველოში ვიზიტით მყოფმა ჯანმრთელობის მსოფლიო ორგანიზაციის წარმომადგენელმა ქართულ მხარეს ვაქცინაციის საკითხზე რჩევები მისცა.

„საქართველოში ვიზიტით მყოფმა მსოფლიო ჯანდავის ორგანიზაციის წარმომადგენელმა „ასტრაზენეკას“ ვაქცინაციის ჩატარების შემდეგ 27 წლის ექთნის გარდაცვალების საკითხზე რჩევები მოგვცა. ეს ყველაფერი ვიცით, ექიმებიც მომზადებულები არიან, კლინიკაში ყველაფერი გვაქვს, მაგრამ ამას სჭირდება მომზადება და მუდმივი კონტროლი, რაც არ გვაქვს. ჩვენ ვერ ვმართავთ სიტუაციას. პრობლემა გვაქვს მართვაში და არა იმ ელემენტარულ ცოდნაში, რაც მსოფლიო ჯანდაცვის ორგანიზაციის წარმომადგენელმა გვირჩია. ყველაფერი გვაქვს, მაგრამ მუდმივი კონტროლი სჭირდება. პასუხისმგებელი პირები გვჭირდება, რომლებიც გადაამოწმებენ, რამდენად არის მზადყოფნა და რამდენად სრულდება ეს ყველაფერი ისე, როგორც შესაბამისი რეგულაციები მოითხოვს“, - განაცხადა სურგულაძემ.

ცნობისთვის, 27 წლის ექთანი მეგი ბაქრაძე, რომელსაც „ასტრაზენეკას“ ვაქცინის გაკეთების შემდეგ ანაფილაქსიური შოკი განუვითარდა, თსსუ-ს პირველ საუნივერსიტეტო კლინიკაში გარდაიცვალა.

მომხდართან დაკავშირებით, გამოძიება სისხლის სამართლის კოდექსის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს.

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს