ოკუპირებული აფხაზეთის ტერიტორიაზე, გასული დღე-ღამის განმავლობაში 183 ადამიანის ტესტირების შედეგად, კორონავირუსის 26 ახალი დადასტურებული შემთხვევა გამოვლინდა, - ამის შესახებ ე.წ. ოპერატიული შტაბი იუწყება.

ამასთან, გუდაუთის საავადმყოფოში კიდევ 2 კოვიდინფიცირებული გარდაიცვალა.

გუდაუთის საავადმყოფოში ამ დროისთვის კორონავირუსით ინფიცირებული 25 ადამიანი მკურნალობს, 9 პაციენტის მდგომარეობა მძიმეა, 18 პაციენტის კი - საშუალო სიმძიმის.

ცნობისათვის, ოკუპირებულ აფხაზეთში პანდემიის დაწყების დროიდან ინფიცირების 13 300 შემთხვევაა დადასტურებული, აქედან გამოჯანმრთელდა 12 801 და დაიღუპა 211 პაციენტი.