სერგო ჩიხლაძე - იმედი გვაქვს, რომ მოლაპარაკება მეტად პოზიტიური შედეგით დასრულდება

„სტრატეგია აღმაშენებლის“ ერთ-ერთი ლიდერი სერგო ჩიხლაძე იმედოვნებს, რომ ევროპული საბჭოს პრეზიდენტის, შარლ მიშელის პირადი წარმომადგენლის კრისტიან დანიელსონის მედიაციით ხელისუფლებასა და ოპოზიციას შორის მოლაპარაკებები ამჯერად პოზიტიური შედეგით დასრულდება.

როგორც მან ჟურნალისტებს განუცხადა, ოპოზიციის მიერ წამოყენებული მოთხოვნები უცვლელია.

„ძალიან მნიშვნელოვანი ვიზიტია. იმედი გვაქვს, რომ ეს მოლაპარაკება მეტად პოზიტიური შედეგით დასრულდება, რის იმედსაც გვაძლევს ამ საკითხში ევროკავშირის სიმტკიცე და ის მონდომება, რითაც ჩვენი პოლიტიკური კრიზისის განმუხტვის საკითხს მიუდგა. ჩვენი დასავლელი პარტნიორების სიმტკიცე, დაინტერესება, ჩართულობა ამის იმედს გვაძლევს. დეტალები ჯერჯერობით ცნობილი არ არის, თუმცა 10 დღის შუალედში ვიზიტი მეორედ შედგა და ორივე მხარე გამოვთქვამთ მზაყოფნას მოლაპარაკებებისთვის, ეს უკვე იმედს იძლევა.

რაც არის გაჟღერებული ჩვენი მხრიდან წინადადებები იგივეა. თუ შეთანხმება შედგა, რა თქმა უნდა, ოპოზიცია პარლამენტში მოღვაწეობას გააგრძელებს იმ საკითხების პრაქტიკაში გადასატანად“, - განაცხადა ჩიხლაძემ.

მან ოპოზიციური პარტიების ერთობლივი განცხადება შეაფასა და განმარტა, რომ „სტრატეგია აღმაშენებელმა“ მხოლოდ იმიტომ არ მოაწერა წერილს ხელი, რომ მოლაპარაკების წინა დღეს ამისთვის დრო არასწორად იყო შერჩეული.

„ჩვენ, „სტრატეგია აღმაშენებელი“ ოფიციალურად არ შევუერდით ამ მომენტში ამ წერილს იქედან გამომდინარე, რომ ტაქტიკურად მიგვაჩნია, მოლაპარაკების წინა დღეს დრო არასწორად იყო შერჩეული. იდეურად ვეთანხმებით და ჩვენც ვართ ერთ-ერთი თანაავტორი, უბრალოდ, ეს არ უნდა გასაჯაროებულიყო მოლაპარაკების წინ, რადგან რაღაც შემზღუდავი ხაზები არ ეგრძნო თავად მედიატორს. მედიატორმა შეიძლება თავისი ალტერნატიული წინადადებები დააყენოს და როცა წინსწრებით ვახვედრებთ რაღაც წინადადებებს, ამან შეიძლება, მოლაპარაკების დროს მისი ლავირების სივრცე შეზღუდოს. ერთადერთი ეს იყო ტაქტიკური საკითხი, რის გამოც ხელი არ მოვაწერეთ“,-განაცხადა ჩიხლაძემ.

ცნობისთვის, ოპოზიციური პარტიები ერთობლივ განცხადებას ავრცელებენ. მასში ნათქვამია, რომ გააზრებული აქვთ შეთანხმების მიღწევის აუცილებლობა საქართველოს დემოკრატიული განვითარებისთვის.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა