სომხეთმა, „კოვაქსის“ პროგრამის ფარგლებში „ასტრაზენეკას“ ვაქცინის პირველი პარტია მიიღო, - ამის შესახებ ინფორმაციას ადგილობრივი მედია ჯანდაცვის სამინისტროზე დაყრდნობით ავრცელებს.

მათივე ინფორმაციით, ქვეყანაში ვაქცინის 24 000 დოზა ჩაიტანეს.

აღსანიშნავია, რომ სომხეთში პირველ ეტაპზე რისკ ჯგუფში შემავალ პირებს, მათ შორის მედიკოსებს, 65 წლისა და მეტი ასაკის მოქალაქეებს, ქრონიკული დაავადების მქონე პირებსა და სოციალური დაწესებულებების თანამშრომლებსა და ბენეფიციარებს აცრიან.

სომხეთში კორონავირუსის საწინააღმდეგო ვაქცინაცია ნებაყოფლობითი იქნება.