ლევან მამალაძის ოჯახის წევრები და ახლობლები პრეზიდენტის რეზიდენციასთან აქციას მართავენ

ქვემო ქართლის ყოფილი გუბერნატორის ლევან მამალაძის ოჯახის წევრები და ახლობლები პრეზიდენტის რეზიდენციასთან აქციას მართავენ. მათი განცხადებით, ლევან მამალაძე „პოლიტიკური პატიმარია“, რის გამოც პრეზიდენტისგან მის შეწყალებას ითხოვენ.

მათივე თქმით, სურთ, რომ მოთხოვნის შესახებ ხმა მიაწვდინონ როგორც საქართველოს პრეზიდენტ სალომე ზურაბიშვილს, ასევე ევროპის საბჭოს პრეზიდენტის სპეციალურ წარმომადგენელს კრისტიან დანიელსონს, რომელიც ორბელიანების სასახლეში პრეზიდენტთან საქართველოში არსებულ პოლიტიკურ ვითარებასთან დაკავშირებით დღეს შეხვედრას გამართავს.

როგორც ჟურნალისტებს ლევან მამალაძის დედამ, ვერა პაიჭაძემ განუცხადა, მისი შვილის შეწყალების თხოვნით პრეზიდენტს რამდენჯერმე მიმართა.

„გაუგებრობაში ვართ. სააკაშვილის რეჟიმის დროს ვერაფერს ვამბობდით. ახალი მთავრობა როცა მოვიდა, ვიფიქრე გვეშველა, იქნებ, ჩვენი ოჯახი გამოვიდეს მდგომარეობიდან-მეთქი, მაგრამ, დღესაც გაუგებრობაში ვართ და არავინ გვცემს პასუხს“, - განაცხადა ვერა პაიჭაძემ.

შეგახსენებთ, რომ ლევან მამალაძეს ქრთამის აღებასა და უკანონო შემოსავლების ლეგალიზაციის ბრალდებით, დაუსწრებლად 17 წლით თავისუფლების აღკვეთა აქვს შეფარდებული.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით