ვართ უაღრესად კომპრომისულები და საქმიანი წინადადებებით მივდივართ ყველა საკითხთან მიმართებაში, - ამის შესახებ საპარლამენტო უმრავლესობის წევრმა ალუდა ღუდუშაურმა ჟურნალისტებთან, მოლაპარაკებებთან დაკავშირებით განაცხადა.

როგორც მან აღნიშნა, “ქართულ ოცნებას” რიგ საკითხებთან დაკავშირებით კონკრეტული ნაბიჯები აქვს გადადგმული.

"ქართულმა ოცნებამ” არაერთხელ დაამტკიცა, რომ მაღალი პასუხისმგებლობით ვმოქმედებთ ყველა იმ საკითხზე, რომელიც მნიშვნელოვანია ჩვენი ქვეყნისთვის, ჩვენი ქვეყნის სტრატეგიული განვითარებისთვის. ვართ უაღრესად კომპრომისულები და საქმიანი წინადადებებით მივდივართ ყველა საკითხთან მიმართებაში. საზოგადოებამ მოუსმინა დანიელსონის ბრიფინგს, სადაც მან ხაზი გაუსვა რამდენიმე საკვანძო საკითხს, როგორიც არის ქვეყნის უსაფრთხოების საკითხი, კოვიდ პანდემია, პოსტკოვიდის შემდეგ ეკონომიკის სწრაფი აღდგენის საკითხი, ასევე მან ისაუბრა ისეთ ფუნამენტურად მნიშვნელოვან საკითხებზე, როგორიც არის საარჩევნო რეფორმა, მართლმსაჯულების რეფორმა და ა.შ. ყველა ამ საკითხიდან "ქართულმა ოცნებამ" ზოგიერთი შეასრულა, ზოგიერთზე მიმდინარეობს მუშაობა,"- განაცხადა ღუდუშაურმა.