დავით სერგეენკო - შეთანხმების დოკუმენტში იყო გარკვეულ საპარლამენტო თანამდებობებზე საუბარი, რამაც ცოტა გამაკვირვა - რა დროს თანამდებობებზეა საუბარი, როცა სახელმწიფოებრივი ინტერესია

თანამდებობებზე და თანამდებობრივ პრივილეგიებზე აქცენტირება, ჩემთვის ძალიან უცნაურია, ამაზე ხაზის გასმა არის საოცრება ჩემთვის - რა თანამდებობებს მივსდევთ, როცა ქვეყნისთვის კონცეპტუალურ საკითხებზეა საუბარი, არავინ მისდევს ამ სკამს, - ამის შესახებ საპარლამენტო უმრავლესობის წევრმა, ვიცე- სპიკერმა დავით სერგეენკომ ჟურნალისტებთან გუშინდელი მოლაპარაკებების კომენტირებისას განაცხადა.

მისი თქმით, სავარაუდოდ, ამ საკითხთან დაკავშირებით მოთხოვნა ოპოზიციისგან არსებობდა. სერგეენკოს თქმით, მმართველ გუნდს ამასთან დაკავშირებით მზაობა ჰქონდა, თუმცა, „არა იმ მოცულობით, რასაც ოპოზიცია ითხოვდა."

„ოპოზიციის მთავარი მოთხოვნა ვადამდელ არჩევნებზე არც კი ყოფილა განხილული მოდერატორის მიერ, პოლიტპატიმრების საკითხზე მისი შემოთავაზება იყო გირაოს გადახდით გათავისუფლებულიყო მელია, 20 ივნისის მოვლენებზე უმოკლეს ვადებში ყოფილიყო მიღებული ამნისტიის შესახებ კანონი, ამაზეც ოპოზიციამ უარი თქვა. იყო იქ გარკვეულ საპარლამენტო თანამდებობებზე საუბარი, რამაც მე პირადად ცოტა გამაკვირვა, რა დროს თანამდებობებზეა საუბარი, როცა სახელმწიფოებრივი ინტერესია, მაგრამ ამაზეც იყო მზადყოფნა, თუმცა, არა იმ მოცულობით, რასაც ოპოზიცია ითხოვდა. მე ვფიქრობ, საბოლოოდ ჩაშლილი ეს მოლაპარაკება არ არის, ისევ ვიტოვებ იმედს, რადგან გუშინ მკაფიოდ გამოიკვეთა, მთავარი შედეგი არის ის, რომ ვადამდელ არჩევნებს არც ერთი საერთაშორისო პარტნიორი არ განიხილავს ლეგიტიმურად, რაც საკვანძო საკითხი იყო, დანარჩენ საკითხებზე ვფიქრობ, დარჩა იმის რესურსი, რომ მოლაპარაკება და შეთანხმება შედგეს,"- განაცხადა სერგეენკომ.

ცნობისათვის, ევროპელი მედიატორის კრისტიან დანიელსონის მიერ შედგენილ შეთანხმების დოკუმენტში ერთ- ერთი საკითხი საპარლამენტო თანამდებობების გადანაწილება იყო. დოკუმენტის თანახმად, ოპოზიციას ხუთი კომიტეტის თავმჯდომარეობას სთავაზობდნენ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება