ჩვენს ქვეყანაში ხშირად მომხდარა უკომპრომისობა, პირადი ინტერესებიდან უკან დახევის სურვილის არარსებობა - ის, რასაც აქამდე გარედან ვხედავდი, გუშინ შუაგულიდან დავინახე, - აღნიშნული განცხადება პარლამენტის პლენარულ სხდომაზე “ქართული ოცნების“ დეპუტატმა შალვა პაპუაშვილმა გააკეთა.

“ჩართული ვიყავი მედიაციის პროცესში და ვიხილე ის, რაც ჩვენს ქვეყანაში არაერთხელ მომხადარა - ვიხილე, რომ სამწუხაროდ, ჩვენ ქვეყანაში არის ხალხი, არიან პოლიტიკოსები, რომლებიც ისტორიისგან ვერაფერს სწავლობენ. ყოველ დღე ფეხს იგივე ხაფანგში ადგამენ, იგივე შეცდომებს უშვებენ. გუშინ ამის მოწმე ვიყავი“, - განაცხადა შალვა პაპუაშვილმა.

პარლამენტის პლენარული სხდომა 1991 წლის 31 მარტს ჩატარებული რეფერენდუმის საიუბილეო თარიღთან დაკავშირებული პოლიტიკური განცხადებებით დაიწყო.