საოკუპაციო ძალების წარმომადგენლების მიერ ე.წ. საზღვრის დარღვევის ბრალდებით დაკავებული რამაზ ბეღელური გაათავისუფლეს.
რამაზ ბეღელური ამ წუთებში საქართველოს ცენტრალური ხელისუფლების მიერ კონტროლირებად ტერიტორიაზე იმყოფება.
აღნიშნულის შესახებ ინფორმაცია „ინტერპრესნიუსს“ სახელმწიფო უსაფრთხოების სამსახურში დაუდასტურეს.
შეგახსენებთ, გორის მუნიციპალიტეტის სოფელ გუგუტიაანთკარში მცხოვრები რამაზ ბეღელური საოკუპაციო ძალების წარმომადგენლებმა 2 თებერვალს ე.წ. საზღვრის დარღვევის ბრალდებით დააკავეს. ის ცხინვალის ციხეში იმყოფებოდა.