გასული წლის აპრილიდან დღემდე მდინარე ენგურზე, ე.წ. სახელმწიფო საზღვრის უკანონო კვეთისთვის, დაახლოებით, 4 ათასამდე ადამიანია დაკავებული. ამის შესახებ სააგენტო „სპუტნიკს“ ოკუპირებული გალის რაიონის დე - ფაქტო ხელმძღვანელმა კონსტანტინე ფალიამ განუცხადა.
მისი თქმით, ადამიანებს, რომლებიც ე.წ. საზღვარს „უკანონოდ“ კვეთენ, ჯარიმის გადახდა უწევთ, მოხუცებთან მიმართებით კი მიმდინარეობს განმარტებითი სამუშაოები.
ფალიას ინფორმაციით, გამარტივებული წესით. ე.წ. საზღვრის გადაკვეთა შეუძლიათ ადამიანებს, რომლებიც იღებენ საპენსიო უზრუნველყოფას, შშმ პირებს, მრავალშვილიან ოჯახებსა და მარტოხელა დედებს, რომლებიც არიან საქართველოს მოქალაქეები და ცხოვრობენ ოკუპირებული აფხაზეთის ტერიტორიაზე.