კაპიტოლიუმის შენობასთან მძღოლმა ბარიერი გაარღვია და ორ პოლიციელს შეეჯახა, რის შემდეგაც დამატებითი უსაფრთხოების მიზნით, აშშ-ის კაპიტოლიუმის მიმდებარე ქუჩები გადაიკეტა და კონგრესის შენობების შესასვლელები ჩაიკეტა.

„გარე საფრთხის გამო კაპიტოლიუმის კომპლექსის არცერთი შენობაში არ არის დაშვებული შესვლა და გამოსვლა“, - განუცხადა „ფოქსნიუსს“ წყარომ.

როგორც „ფოქსნიუსი“ წერს, ეჭვმიტანილი შეჯახების შემდეგ მანქანიდან გადმოვიდა და ის დანით იყო შეიარაღებული, ამ დროს მას სამართალდამცველებმა ესროლეს. როგორც სააგენტო „როიტერის“ წყარო იტყობინება, დიდი ოდენობით პოლიციელების მობილიზება მოხდა, ადგილზე პატრულირებდა ვერტმფრენიც. პოლიციის ცნობით, ეჭვმიტანილი დაკავებულია. დაშავებული პოლიციელები, დაჭრილ ეჭვმიტანილთან ერთად, საავადმყოფოში გადაიყვანეს. ამ ეტაპზე პოლიციას მიაჩნია, რომ თავდამსხმელი მარტო მოქმედებდა და სხვა რომელიმე ჯგუფთან კავშირში არ არის.