ოპოზიციამ შესაძლოა, პარლამენტს სადეპუტატო მანდატების გაუქმების მოთხოვნით კიდევ ერთხელ მიმართოს.
“ყველამ ვისაც აქვს მანდატი, კიდევ ერთხელ უნდა მიმართოს პარლამენტს ამ მანდატის გაუქმებაზე, მე ეს გადაწყვეტილება მიღებული მაქვს და მგონია, რომ ეს გასაკეთებელია", - განაცხადა "გირჩი - მეტი თავისუფლებისთვის” ლიდერმა, ზურაბ ჯაფარიძემ ოპოზიციური პარტიების შეხვედრის შემდეგ.
მისივე თქმით, მსგავსი გადაწყვეტილება მოლაპარაკებების პროცესს ხელს არ შეუშლის და აჩვენებს ოპოზიციის სერიოზულ განწყობას.
„სტრატეგია აღმაშენებლის“ ერთ-ერთი ლიდერი სერგო ჩიხლაძე კი განმარტავს, რომ ოპოზიცია ასევე მსჯელობს მიმართოს საკონსტიტუციო სასამართლოსაც მანდატების გაუქმებასთან დაკავშირებით.
„კიდევ არის ერთი ვარიანტი, რომ საკონსტიტუციო სასამართლოს მივმართოთ რატომ არ უქმდება მანდატები. მოგეხსენებათ, ანტიკონსტიტუციურია ის, რაც ხდება. ამაზე იყო მსჯელობა, თუმცა საბოლო გადაწყვეტილება არ მიგვიღია“,- აცხადებს ჩიხლაძე.
იხილეთ ვიდეო:ოპოზიციამ შესაძლოა, პარლამენტს მანდატების გაუქმების მოთხოვნით კიდევ ერთხელ მიმართოს