ნიგერიის ქალაქ ოვერიში მდებარე ციხიდან 2 000-მდე პატიმარი გაიქცა. მედიის ინფორმაციით, ციხეს შეიარაღებული პირები დაესხნენ თავს, კედლები ასაფეთქებლების საშუალებით დაანგრიეს და 1 844 პატიმარი გაათავისუფლეს. თავდასხმის შედეგად ერთი სამართალდამცავი დაშავდა.
მომხდარზე პასუხისმგებლობა არავის აუღია, მაგრამ პოლიციამ განაცხადა, რომ შეიარაღებული პირები და გასამხედროებული დაჯგუფება „აღმოსავლეთ უსაფრთხოების ქსელის“ წარმომადგენლები იყვნენ.
ქვეყნის პრეზიდენტმა მუჰამედუ ბუჰარიმ, რომელიც ამჟამად ლონდონში სამედიცინო გამოკვლევის მიზნით იმყოფება, თავდასხმა ტერორისტული აქტად შეაფასა და დაგმო.