დემოკრატიის კვლევის ინსტიტუტი გალიდან მდინარე ენგურის გადმოცურვისას მოქალაქეების გარდაცვალების ფაქტს ეხმაურება და მთავრობას მოუწოდებს, კარანტინი გააუქმოს

დემოკრატიის კვლევის ინსტიტუტი გალის რაიონიდან მდინარე ენგურის გადმოცურვის მცდელობისას მოქალაქეების გარდაცვალების ფაქტს ეხმაურება და საქართველოს მთავრობას მოუწოდებს, დაუყოვნებლივ გააუქმოს კარანტინი, რომელიც ადამიანების სიცოცხლეს რისკის ქვეშ აყენებს“.

როგორც დემოკრატიის კვლევის ინსტიტუტში აცხადებენ, აფხაზეთში მცხოვრები მოქალაქეები ხუთდღიანი სავალდებულო კარანტინისთვის თავის არიდების მიზნით, საქართველოს კონტროლირებად ტერიტორიაზე მოხვედრას სახიფათო გზით ცდილობენ.

„დღეს მედია საშუალებებით გავრცელდა ინფორმაცია, რომ ოკუპირებული აფხაზეთიდან შემოვლითი გზით გადმოსვლისას, ენგურში ოთხი ადამიანი დაიხრჩო, რომლებიც საქართველოს კონტროლირებად ტერიტორიაზე მოხვედრას ცდილობდნენ.

ეს პირველი შემთხვევა არაა, როდესაც საქართველოს კონტროლირებად ტერიტორიაზე მოხვედრის სურვილს ადამიანების სიცოცხლე ეწირება. აფხაზეთში მცხოვრები მოქალაქეები ხუთდღიანი სავალდებულო კარანტინისთვის თავის არიდების მიზნით, საქართველოს კონტროლირებად ტერიტორიაზე მოხვედრას ამ სახიფათო გზით ცდილობენ.

დემოკრატიის კვლევის ინსტიტუტი მოუწოდებს საქართველოს მთავრობას დაუყოვნებლივ გააუქმოს კარანტინი, რომელიც ადამიანების სიცოცხლეს რისკის ქვეშ აყენებს“,- ნათქვამია ინფორმაციაში.

ცნობისთვის, ზუგდიდის მუნიციპალიტეტის სოფელ შამგონაში, მდინარე ენგურიდან სამაშველო სამსახურის თანამშრომლებმა 3 მოქალაქის ცხედარი ამოიყვანეს.

არსებული ინფორმაციით, მოქალაქეები ოკუპირებული გალიდან საქართველოს ცენტრალური ხელისუფლების მიერ კონტროლირებად ტერიტორიაზე გადმოსვლას მდინარის გადმოცურვით ცდილობდნენ.

იხილეთ ვიდეო:დემოკრატიის კვლევის ინსტიტუტი გალიდან მდინარე ენგურის გადმოცურვისას მოქალაქეების გარდაცვალების ფაქტს ეხმაურება და მთავრობას მოუწოდებს, კარანტინი გააუქმოს

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით