მანუჩარ ახალაია ენგურის გადმოკვეთისას 4 მოქალაქის გარდაცვალებაზე - პასუხისმგებლობა ხელისუფლებას ეკისრება, ეკატერინე ტიკარაძე უნდა გადადგეს

ესაა დიდი ტრაგედია, პასუხისმგებლობა საქართველოს ხელისუფლებას ეკისრება, - ასე გამოეხმაურა “ერთიანი ნაციონალური“ მოძრაობის წარმომადგენელი მანუჩარ ახალაია ენგურის გადმოკვეთისას საქართველოს 4 მოქალაქის გარდაცვალებას.

მანუჩარ ახალაია მომხდარი ფაქტის გამო საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის გადადგომას ითხოვს.

„ცოტა ხნის წინ, შემზარავი ტრაგედიის შესახებ გავრცელდა ინფორმაცია - გალის ოკუპირებული ტერიტორიიდან საქართველოს 4 მოქალაქე, რომელიც ენგურზე გადმოსვლას ცდილობდა, დაიღუპა. ვუსამძიმრებ გარდაცვლილების ოჯახებს და სრულიად საქართველოს. ესაა დიდი ტრაგედია და ხაზგასმით ვამბობ, რომ პასუხისმგებლობა საქართველოს ხელისუფლებას ეკისრება. 1 წელზე მეტია ხიდი ჩაკეტილია და გალის რაიონის ათიათასობით ჩვენი მოქალაქე იზოლაციაშია. მიუხედავად იმისა, რომ საზოგადოებამ, პოლიტიკურმა პარტიებმა, არასამთავრობო ორგანიზაციებმა არაერთხელ მოითხოვეს ხელისუფლებისგან მიეღოთ ზომები, რათა მოძრაობა გახსნილიყო და ეს გაუგებარი კარანტინიც გაუქმებულიყო. ხელისუფლებამ არაფერი გააკეთა და ტრაგედიაც მივიღეთ. საზღვრებს უხსნიან პოზნერს, გავრილოვს და ჩვენს მოქალაქეებს, რომლებიც ოკუპირებული ტერიტორიიდან პროდუქტების, მედიკამენტების შესაძენად გადმოდიან, უკეტავენ გზებს. ხელისუფლება არაფერს აკეთებს. ამიტომ, მოვითხოვთ, დაუყოვნებლივ გადადგეს ეკატერინე ტიკარაძე, რომელიც მათ შორის, ოკუპირებული ტერიტორიებიდან დევნილთა მინისტრიცაა“, - აცხადებს ახალაია.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება