თამაზ ბასლანძის ცხედარი, რომელიც გუშინ მდინარე ენგურმა ზუგდიდის სოფელ შამგონაში გამორიყა, ოკუპირებულ გალში დღეს გადაასვენეს.

მასთან ერთად დაღუპული ცოლ-ქმრის ცხედრებს ხვალ გადაასვენებენ. კიდევ ერთი ცხედარი ოკუპირებულ ტერიტორიაზე გუშინვე გადაასვენეს.

სოფელ შამგონაში, მდინარე ენგურიდან მაშველებმა ოთხი ადამიანის ცხედარი ამოიყვანეს. მათ შორის ორი ქალი იყო.

არსებული ინფორმაცით, ისინი ოკუპირებული გალიდან საქართველოს ხელისუფლების კონტროლირებად ტერიტორიაზე ენგურის გავლით გადმოდიოდნენ, რა დროსაც მოულოდნელად ადიდებულმა მდინარემ ისინი გაიტაცა.