მეგი ბაქრაძის საქმეზე დაკავებულების ადვოკატი - ვიოლეტა ინასარიძე გამოძიებასთან თვითონ მივიდა და უთხრა სიმართლე

გარდაცვლილი ექთნის მეგი ბაქრაძის საქმეზე ბრალდებულების ადვოკატი შალვა გოგოლაძე აცხადებს, რომ ბაქრაძეს ვაქცინაციის გაკეთების შემდეგ ადრენალინი გაუკეთდა, თუმცა ადრენალინი გაუკეთა ექიმმა ბექა ლიპარტელიანმა და არა, მისმა დაცვის ქვეშ მყოფმა, ექიმმა ვიოლეტა ინასარიძემ.

როგორც სასამართლოს სხდომის დასრულების შემდეგ ადვოკატმა ჟურნალისტებს განუცხადა, ის ესაუბრა მისი დაცვის ქვეშ მყოფებს ვიოლეტა ინასარიძეს და თეა გზირიშვილს, როდესაც გაარკვია, თუ რატომ მიეწოდა გამოძიებას არასწორი ინფორმაცია იმის შესახებ, რომ მეგი ბაქრაძეს ადრენალინი თითქოს ვიოლეტა ინასარიძემ გაუკეთა.

ადვოკატის თქმით, „დაძაბული ვითარება იყო, დამტვრეული იყო ყველაფერი, იყო შეშინებული“.

ადვოკატის განმარტებით, მოგვიანებით, ექიმმა ვიოლეტა ინასარიძემ თავადვე გადაწყვიტა, რომ მიემართა გამოძიებისათვის და ეთქვა სიმართლე, რომ მეგი ბაქრაძეს ადრენალინი გაუკეთა ექიმმა ბექა ლიპარტელიანმა.

„სიმართლე თქვა. გამოძიებასთან თვითონ მივიდა და უთხრა: „არასწორად მოვიქეცი, სინამდვილეში ასე არ იყო“. კლინიკის მხრიდან რაიმე იძულებას, რა თქმა უნდა, ადგილი არ ჰქონია. სხდომის დაწყებამდე დიახ, შევხვდი ჩემი დაცვის ქვეშ მყოფებს. ამიხსნეს, საქმე რაში იყო და რატომ მოხდა არასწორი ინფორმაციის მიწოდება, შემდეგ როგორ მიაწოდეს სწორი ინფორმაცია. ქალბატონი ვიოლეტაც, როგორც პროტოკოლი ითვალისწინებდა ნახევარი საათი იმ ოთახში იყო და არ გამოსულა. როცა წავიდა, ამის შემდეგ იქ უკვე ბექა ლიპარტელიანი იყო. ვიოლეტამ თქვა, რომ მე გავუკეთე ადრენალინი, მაგრამ სინამდვილეში ბექა ლიპარტელიანმა გააკეთა“, - განაცხადა ადვოკატმა შალვა გოგოლაძემ.

გარდაცვლილი ექთნის მეგი ბაქრაძის საქმეზე ბრალდებულ ექიმებსა და ექთანს - ვიოლეტა ინასარიძეს, ბექა ლიპარტელიანსა და თეა გზირიშვილს აღკვეთის ღონისძიების სახით 3 000-3000-ლარიანი გირაო შეეფარდათ.

ცნობისთვის, მეგი ბაქრაძის გარდაცვალების საქმეზე "ახალციხის კლინიკა იმედის“ 2 ექიმსა და ერთ ექთანს ბრალდება საქართველოს სისხლის სამართლის კოდექსის 370-ე მუხლის მე-2 ნაწილით წარედგინა, რაც მართლმსაჯულებისათვის ხელის შეშლას გულისხმობს, რაც გამოიხატა გამოძიების დროს გამოსაკითხი პირის მიერ ცრუ ინფორმაციის მიწოდებით, ჩადენილი სხვა პირადი მოტივით.

წარდგენილი ბრალდება 2-დან 6-წლამდე თავისუფლების აღკვეთას ითვალისწინებს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით