ოკუპირებული აფხაზეთი ენგურში დაღუპულ მოქალაქეებზე - ეს ტრაგიკული მოვლენა თბილისისთვის პოლიტიკური სპეკულაციების საგანი გახდა

ოკუპირებული აფხაზეთის ე.წ. ხელისუფლება ენგურის გავლით საოკუპაციო ხაზის გადაკვეთისას დაღუპული მოქალაქეების დაღუპვის ფაქტს ეხმიანება და თბილისს პოლიტიკურ სპეკულაციებში ადანაშაულებს.

„როგორც მოსალოდნელი იყო, საქართველოში ეს ტრაგიკული მოვლენა ისტერიისა და პოლიტიკური სპეკულაციების საგანი გახდა. როგორც საქართველოს ოფიციალურ ხელისუფლებას, ისე მათ პოლიტიკურ ოპონენტებს აწუხებთ არა ხალხის დაღუპვის ფაქტი, ოპონენტებს არ აწუხებთ არა ხალხის დაღუპვის ფაქტი, არამედ ცდილობენ აჩვენონ თავიანთი ყალბი პატრიოტიზმი და კიდევ ერთხელ დაესხან თავს რუსეთს აბსოლუტურად უსაფუძვლო ბრალდებებით,“ - აღნიშნულია აფხაზეთის ე.წ. „საგარეო საქმეთა სამინისტროს“ განცხადებაში.

ე.წ. უწყებაში აცხადებენ, რომ თბილისის ნებისმიერი მცდელობა, მოახდინოს ამ ინციდენტის პოლიტიზირება და მოიპოვოს „იაფფასიანი პოლიტიკური დივიდენდები“ ადამიანების ტრაგიკულად დაღუპვით, მიუღებელია.

„ინციდენტის გარემოებებს აფხაზეთის რესპუბლიკის სამართალდამცავი ორგანოები იძიებენ,“ - აღნიშნულია ე.წ. სამინისტროს ინფორმაციაში.

შეგახსენებთ, ორი დღის წინ სოფელ შამგონაში, მდინარე ენგურიდან მაშველებმა ოთხი ადამიანის ცხედარი ამოიყვანეს. არსებული ინფორმაცით, ისინი ოკუპირებული გალიდან საქართველოს ხელისუფლების კონტროლირებად ტერიტორიაზე ენგურის გავლით გადმოდიოდნენ, რა დროსაც მოულოდნელად ადიდებულმა მდინარემ გაიტაცა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება