"ევროპული საქართველოს" გენერალურ მდივნად აკაკი ბობოხიძე, პოლიტსაბჭოს თავმჯდომარედ კი გიგი წერეთელი აირჩიეს

"ევროპული საქართველოს" პოლიტსაბჭოს სხდომა დასრულდა. სხდომაზე პარტიის გენერალურ მდივნად აკაკი ბობოხიძე, პოლიტსაბჭოს თავმჯდომარედ გიგი წერეთელი, გენერალური მდივნის მოადგილედ გიორგი კანდელაკი აირჩიეს. მას ასევე ჩაბარებული აქვს საგარეო პოლიტიკის საკითხები.

„ევროპულ საქართველოს“ რამდენიმე მდივანი ეყოლება, მათ შორის, რეგიონალური მდივნის თანამდებობას ლაშა დამენია დაიკავებს; ხოლო მდივნები იქნებიან:ოთარ კახიძე, ზაზა კედელაშვილი, ქეთევან მჭედლიძე, ტარიელ ნაკაიძე, ლელა ქებურია, გიორგი ღვინიაშვილი, ზურაბ ჩილინგარაშვილი. გენერალური მდივნის თანამდებობას კი აკაკი ბობოხიძე დაიკავებს.

ასევე, პარტიაში ჯანმრთელობის დაცვის საკითხებს ჩაიბარებს ვახტანგ კალოიანი;

სამხედრო თემატიკა და ვეტერანთა საკითხებს - ტარიელ ლონდარიძე;

ეკონომიკური პოლიტიკის საკითხებს - ამირან ძოწენიძე;

ხოლო პრესის, საზოგადოებასთან ურთიერთობისა და სოციალური მედიის საკითხებს ჩაიბარებენ: თორნიკე დიასამიძე, მაკა ჟვანია და ანანო ქორიძე.

დღესვე "ევროპული საქართველოს" ყრილობაზე, პარტიის ახალ თავმჯდომარედ ხმათა უმრავლესობით გიგა ბოკერია აირჩიეს.

ცნობისთვის, დღეს დავით ბაქრაძემ სოციალურ ქსელში განცხადება გაავრცელა, სადაც აღნიშნა, რომ პარტიის თავმჯდომარის თანამდებობას და პარტიას ტოვებს. როგორც მან განაცხადა, პარტიული პაუზა აიღო, თუმცა „პოლიტიკურ და საერთო ოპოზიციურ ბრძოლაში“ რჩება. „ევროპული საქართველო“ დატოვა ასევე გიგი უგულავამ. ამასთან, პარტია დატოვა კიდევ ერთმა წევრმა ლევან თარხნიშვილმაც. ცოტა უფრო ადრე, „ევროპული საქართველო“ ზურაბ ჭიაბერაშვილმა და ელენე ხოშტარიამ დატოვეს.

გიორგი კანაშვილი - თუ ოპოზიციამ ვერ მოახერხა დამატებითი ამომრჩევლის გამოყვანა, ხოლო „ოცნებამ“ სულ მცირე იგივე რაოდენობა გამოიყვანა, რაც პირველ ტურში, შედეგი ოპოზიციისთვის  მძიმე იქნება
ქართული პრესის მიმოხილვა 28.10.2021
ჰუმანური შრომითი პოლიტიკა - რას ნიშნავს შრომით ბაზარზე გამოჩენილი ახალი ტენდენცია
ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გაიაქტიურეთ "სილქფესტის" საშემოდგომო შეთავაზებები შეუზღუდავად
მიიღე განსაკუთრებული შეთავაზებები მხოლოდ ოფიციალური Samsung-ის შეძენისას
BDO: ყველაზე ცნობადი ბრენდი საქართველოს ბიზნეს საკონსულტაციო კომპანიების ბაზარზე
„მიჰაუსში“ ჰელოუინთან დაკავშირებით დიდი ფასდაკლება დაიწყო
ამბასადორი ბათუმი აილენდი მულტიფუნქციური ხელოვნური კუნძულის მშენებლობისთვის ტექნიკურ კვლევებს აწარმოებს
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა