ნანა ტოხვაძე - ვერასოდეს იქნები წარმატებული ქვეყანა, როცა მოზარდების 60% საშუალოზე დაბალ განვითარებას აჩვენებს, წაკითხულ ტექსტს ვერ იგებს

ვერასოდეს იქნები წარმატებული ქვეყანა, როცა მოზარდების 60% საშუალოზე დაბალ განვითარებას აჩვენებს, ვერ იგებს წაკითხულ ტექსტს და შინაარსი ვერ გამოაქვს“,- ასე ეხმაურება „სტრატეგია აღმაშენებლის“ წევრი ნანა ტოხვაძე IRI-ის კვლევის შედეგებს.

როგორც ნანა ტოხვაძე აღნიშნავს, მოსწავლეთა აკადემიური შედეგების უკუსვლა შესამჩნევი და საგანგაშოა.

„სკოლის რეფორმის საჭიროებაზე მრავალი წელია ვმსჯელობთ. ცხადია, მოსწავლეთა შედეგების უკუსვლა შესამჩნევი და საგანგაშოა, რადგან გაუმჯობესების ნაცვლად ყოველწლიურად ვიღებთ გაუარესებულ აკადემიურ შედეგებს.

როგორც IRI-ის ბოლო კვლევა ცხადყოფს, მოსახლეობის 64%-ის აზრით განათლების ხარისხი განიცდის უკუსვლას, მაგრამ არ არის იმის აღქმა და კონცეფცია, თუ როგორ უნდა იქნას ეს მიზანი მიღწეული ან რა უნდა მოვითხოვოთ სახელმწიფოსგან ამის გამოსასწორებლად.

პასუხისმგებელი უწყებისთვის განსაკუთრებით ძნელია იმის აღიარება, რომ ამის მიღწევა სერიოზული მიზანი ან პრიორიტეტული საკითხი არ არის. განათლების ხარისხის გაუმჯობესების, ძლიერი ეკონომიკისა და ქვეყნის სტაბილური განვითარების მიმართ მისწრაფებაზე საუბარი საკმარისი არ არის. თუ ეს ასეა, მაშინ გარკვეული ქმედებებიც უნდა განახორციელო. ჩემი გადმოსახედიდან, რაც გვაკლია, სულ მცირე, რეალური მოქმედება და გონივრული სასკოლო რეფორმის ჩატარებაა, რაც ჩვენი სახელმწიფოს ნომერ პირველი და ეროვნული ინტერესის საკითხი უნდა იყოს.

ვერასოდეს იქნები წარმატებული ქვეყანა, როცა მოზარდების 60% საშუალოზე დაბალ განვითარებას აჩვენებს, ვერ იგებს წაკითხულ ტექსტს და შინაარსი ვერ გამოაქვს. რომელი ეკონომიკის განვითარებასა და სტაბილურ კეთილდღეობაზე ვსაუბრობთ, როცა როგორც სახელმწიფო, უკანასკნელი ათწლეულია მშვიდად შესცქერი მომავალი თაობის პერსპექტივის რეგრესს და უმოქმედო ხარ?“-აცხადებს ნანა ტოხვაძე.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას