„სტრატეგია აღმაშენებელი“ ხელისუფლებას საპენსიო სესხებთან დაკავშირებით ტყუილსა და საზოგადოების შეცდომაში ადანაშაულებს

„სტრატეგია აღმაშენებელი“ ხელისუფლებას საპენსიო სესხებთან დაკავშირებით ტყუილსა და საზოგადოების შეცდომაში ადანაშაულებს.

როგორც „ინტერპრესნიუსს“ პარტიიდან აცნობეს, აღნიშნულ საკითხთან დაკავშირებით დისკუსია არასწორად მიმდინარეობს და ხელისუფლება მასთან დამეგობრებულ ბიზნესებს ხელს უწყობს.

„უსამართლოდ მაღალი საპროცენტო განაკვეთის დაწევა საპენსიო სესხებზე ეს არის „სტრატეგია აღმაშენებლის" ერთ-ერთი პრიორიტეტი. ეს იყო ერთი იმ 7 საარჩევნო დაპირებისგან, რომელიც "სტრატეგია აღმაშენებელმა" შესთავაზა საზოგადოებას.

მივესალმებით ამ თემის წამოწევას და საფინანსო - საბიუჯეტო კომიტეტში ამ თემის განხილვას. მაგრამ უკვე დასაწყისშივე ვხედავთ, რომ დისკუსია არასწორი მიმართულებით მიდის. ფინანსთა მინისტრის მოადგილის განცხადება, რომ შეუძლებელია ბანკისგან უფრო დაბალი საპროცენტო განაკვეთის დაწესება, რადგან ეს არის არაუზრუნველყოფილი, უფრო მაღალი რისკის მქონე კრედიტები - არის ტყუილი და საზოგადოების შეცდომაში შეყვანა. უფრო პირიქით, ეს არის ყველაზე დაბალი რისკის სესხი, რადგანაც პენსიონერს გარანტირებულად ერიცხება პენსია ყოველთვიურად და პენსიის შეწყვეტის და ვერ დარიცხვის საფრთხე არ არსებობს, განსხვავებით ყველა სხვა სესხისგან, როცა ადამიანმა შეიძლება დაკარგოს სამსახური, ან გაკოტრდეს და ვერ გადაიხადოს საბანკო ვალდებულება. ერთადერთი რისკი ეს არის გარდაცვალება, რაც თვითონ სესხშივე არის დაზღვეული და სიცოცხლის დაზღვევა ჩადებულია უკვე სესხის გაფორმებისას. ასე, რომ საპენსიო სესხი ეს არის ყველაზე ნაკლებრისკიანი სესხი, რომელიც კი ბანკმა შეიძლება გასცეს“, - აღნიშნულია განცხადებაში.

მათივე ცნობით, ასევე მიუღებელია „ლიბერთი ბანკის" დირექტორის განცხადება, რომელიც აგრეთვე ამბობს, რომ ეს არის მაღალრისკიანი სესხი და რომელიც თვეში მხოლოდ 3 ან 5 ლარით ნაკლების გადახდას სთავაზობს პენსიონერებს.

„ესეც არის პენსიონერების დაცინვა და აბუჩად აგდება. როგორც ვხედავთ, ხელისუფლება კვლავ ხელს აფარებს „ლიბერთი ბანკს“ და არ უნდა რომ მას ჩამოართვას მონოპოლია. კიდევ ერთი მაგალითი, როგორ უქმნის ხელისუფლება სასათბურე პირობებს მასთან ლოიალურად განწყობილი ბიზნესებს საზოგადოების ყველაზე ღვაწლმოსილი და მოწყვლადი ჯგუფის - პენსიონერების ხარჯზე.

„სტრატეგია აღმაშენებელმა" დეტალურად დაამუშავა და შეისწავლა ეს თემა ჯერ კიდევ წინასაარჩევნოდ და ჩვენ ვიყავით ერთადერთი პოლიტიკური ძალა, რომელმაც ეს თემა წამოსწია საზოგადოების სამსჯავროზე. ჩვენი გათვლებით შესაძლებელია არათუ საპროცენტო განაკვეთის შემცირება, უფრო მეტიც, 2020 წლის დეკემბრამდე დარიცხული უსამართლოდ მაღალი 30 – 40%-იანი სესხის პროცენტის ჩამოწერაც. ერთმნიშვნელოვნად „ლიბერთი ბანკი“ აღარ უნდა იყოს მონოპოლისტი სასესხო, საპენსიო და სხვა სოციალური დახმარების, რაც თავის მხრივ გაზრდის კონკურენციას სხვადასხვა ბანკებს შორის და სასესხო და საპენსიო მომსახურებას პენსიონერზე უფრო მორგებულს გახდის“, - ნათქვამია განცხადებაში.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა