გიგა ბოკერიას განცხადებით, მოლაპარაკებებთან დაკავშირებით ირაკლი კობახიძის ნათქვამი მეორეხარისხოვანია და მთავარი ნაბიჯებია

„ევროპული საქართველოს“ თავმჯდომარის გიგა ბოკერიას განცხადებით, გამომდინარე იქიდან, რომ ბიძინა ივანიშვილის გარემოცვას ურთიერთგამომრიცხავი განცხადებების გაკეთება სჩვევია, მოლაპარაკებებთან დაკავშირებით ირაკლი კობახიძის ნათქვამი მეორეხარისხოვანია და მთავარი ნაბიჯებია.

როგორც ბოკერიამ კობახიძის განცხადების შეფასებისას ჟურნალისტებს განუცხადა, ჯერჯერობით არ აქვს საფუძველი იფიქროს, რომ რამე შეიცვალა და უნდა გამოჩნდეს, დგამს თუ არა ხელისუფლება მნიშვნელოვან საკითხებთან დაკავშირებით ნაბიჯებს.

„ივანიშვილის გარემოცვისგან ყველა მიჩვეულია ურთიერთგამომრიცხავ განცხადებებს ან იმ განცხადებებს, რომელიც შემდეგ საპირისპიროს ნიშნავს. ამიტომ, რა თქვა, მეორე ხარისხოვანია, უნდა ვნახოთ დგამენ თუ არა ნაბიჯებს ყველა იმ პუნქტთან დაკავშირებით, რაც მნიშვნელოვანია და რაც პრეზიდენტმა მიშელმა მოხაზა, მათ შორის ვადამდელი არჩევნები და პოლიტპატიმრების, მელიას და რურუას გათავისუფლება, რაც დაგვაწყებინებს კრიზისის განმუხტვას. რასაც ადგილზე ვხედავთ, ახალი პოლიტპატიმრების გაჩენის საფრთხეა. ამიტომ, ჯერჯერობით, არ მაქვს საფუძველი ვთქვა, რომ რაღაც შეიცვალა. თუ შეიცვლება, ძალიან კარგი. მაშინ უნდა მივიდეთ ვადამდელ არჩევნებამდე მელიას, რურუას და ნებისმიერი ახალი, სხვა პოლიტპატიმრის გარეშე და ამ ნორმალური არჩევნების შედეგად უნდა შეეგუოს ივანიშვილი და მისი გარემოცვა ამომრჩევლის ნებით ძალაუფლების ჩამოშორებას“,- განაცხადა ბოკერიამ.

„ქართული ოცნების“ თავმჯდომარის ირაკლი კობახიძის განცხადებით, მმართველი გუნდი მზადაა, მოლაპარაკების პროცესში გადადგას კონკრეტული ნაბიჯები, მათ შორის კომპრომისის მიმართულებით. ამასთან, მისი თქმით, „ქართული ოცნება“ გამოავლენს კონსტრუქციულ მიდგომას, თუმცა გარკვეული პრინციპების დაცვით.

იხილეთ ვიდეო:ბოკერია - უნდა ვნახოთ ნაბიჯებით, არიან თუ არა მზად ყველა იმ პუნქტის შესასრულებლად, რაც დაგვაწყებინებს პოლიტიკური კრიზისის განმუხტვას

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 06.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“