სოლომონ პავლიაშვილმა UNDP-ის მიერ ორგანიზებულ ონლაინ შეხვედრაში მიიღო მონაწილეობა

გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა გაეროს განვითარების პროგრამის (UNDP) მიერ ორგანიზებულ ონლაინ შეხვედრაში მონაწილეობა მიიღო. ამის შესახებ „ინტერპრესნიუსს“ უწყების პრესსამსახურიდან აცნობეს.

მათი ინფორმაციით, გაეროს განვითარების პროგრამის ინოვაციების ჯგუფი, ჩეხეთის მთავრობის ხელშეწყობით (Czech UNDP Partnership for SDGs), 2019 წლის ნოემბრიდან აწყობს შეხვედრების სერიას სამეცნიერო, კერძო, არასამთავრობო და სამთავრობო წრეების წარმომადგენლების მონაწილეობით, რომელიც მიზნად ისახავს კვლევითი და პოლიტიკის შემუშავების პროცესების დაახლოებას, თანამედროვე კვლევითი მეთოდების და განვითარების სფეროში განხორციელებული კვლევების გაზიარების გზით.

„მისასალმებელია, რომ არსებობს სივრცე, სადაც შესაძლებელია, საჯარო და კერძო სექტორის წარმომადგენლები სამეცნიერო მიღწევებს გაეცნონ შემდგომ პრაქტიკაში დასანერგად, როგორც გარემოს დაცვის, ისე, სოფლის მეურნეობის მიმართულებით. ყოველთვის საინტერესოა სხვა ქვეყნებში არსებული პრაქტიკის გაცნობა საკანონმდებლო თუ კერძო ინიციატივების ჭრილში, როგორიცაა ჩეხეთი და ბოსნია-ჰერცოგოვინა, რომელთა შესახებაც მოწვეული ჩეხი ექსპერტისგან მოვისმინეთ”, - განაცხადა შეხვედრაზე სოლომონ პავლიაშვილმა.

შეხვედრაზე, მინისტრის მოადგილემ სურსათის ნარჩენების სეპარირების, გადამუშავების, კომპოსტირებისა და რეციკლირების მნიშვნელობაზე ისაუბრა და მადლობა გადაუხადა ჩეხეთის მთავრობას განვითარებაზე ორიენტირებული პროგრამების ხელშეწყობისთვის.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა