ე.წ. უშიშროების კომიტეტი - საქართველოში გაუარესებული ეპიდემიოლოგიური ვითარების პირობებში, სამხრეთ ოსეთის მცხოვრებლების გადაბირება, წარმოადგენს უხეშ პროვოკაციას

ოკუპირებული ე.წ. სამხრეთ ოსეთის დე ფაქტო ხელისუფლება საკუთარ მოქალაქეებს ემუქრება: იმ შემთხვევაში, თუკი ისინი სამედიცინო დახმარების მისაღებად საქართველოს ხელისუფლების მიერ კონტროლირებად ტერიტორიაზე გადავლენ, „სასაზღვრო კანონმდებლობის დარღვევისთვის“ ადმინისტრაციული და სისხლის სამართლის კანონმდებლობით დაისჯებიან.

სააგენტო „რესი“ აქვეყნებს ე.წ. უშიშროების კომიტეტის განცხადებას, რომლის მიხედვითაც „ქართული მხარე სამხრეთ ოსეთის მცხოვრებლების პროვოცირებას ახდენს“.

„13 აპრილს საქართველოს ხელისუფლებამ სამხრეთ ოსეთის მოქალაქეებს, მათ, ვისაც გადაუდებელი სამედიცინო დახმარება სჭირდება, შესთავაზა დაუბრკოლებლად დატოვონ რესპუბლიკის ტერიტორია, ასევე მათთვის გააუქმეს ხუთდღიანი სავალდებულო კარანტინი. საქართველოში გაუარესებული ეპიდემიოლოგიური ვითარების პირობებში, სამხრეთ ოსეთის მცხოვრებლების გადაბირება წარმოადგენს უხეშ პროვოკაციას, რომელიც რესპუბლიკის მცხოვრებთა უსაფრთხოებას ემუქრება“, - ნათქვამია დე ფაქტო უწყების განცხადებაში.

დე ფაქტო უშიშროების კომიტეტი ე.წ. სამხრეთ ოსეთის მცხოვრებლებს მიმართავს, ყურადღება მიაქციონ, რომ „ვიდრე კანონსაწინააღმდეგო ქმედებას ჩაიდენენ, დაფიქრდნენ შესაძლო შედეგებზე, ადმინისტრაციული და სისხლის სამართლის პასუხისმგებლობის შესახებ სასაზღვრო კანონმდებლობის დარღვევისთვის, ასევე ახლობლების ჯანმრთელობაზე“.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა