საქართველოს პარლამენტში ევროპული საბჭოს პრეზიდენტთან შარლ მიშელთან შეხვედრისთვის ოპოზიციური პოლიტიკური პარტიების წარმომადგენლები იკრიბებიან.

საკანონმდებლო ორგანოში უკვე მივიდნენ პარტია „გირჩი - მეტი თავისუფლებას“ ლიდერი ზურაბ ჯაფარიძე; „ლელო - საქართველოსთვის“ ლიდერები მამუკა ხაზარაძე და ბადრი ჯაფარიძე.

"არ ვარ ჯერ პარლამენტში შემოსული, შარლ მიშელთან მაქვს შეხვედრა", - აღნიშნა ზურაბ ჯაფარიძემ.

საკანონმდებლო ორგანოში "ქართული ოცნებისა" და ოპოზიციური პარტიის წარმომადგენლები ევროსაბჭოს პრეზიდენტს შარლ მიშელს უნდა შეხვდნენ. შეხვედრა საკანონმდებლო ორგანოში 18:15 საათზეა დაგეგმილი და მას მხოლოდ ის ოპოზიციონერი დეპუტატები დაესწრებიან, რომლებმაც შარლ მიშელის დოკუმენტს ხელი მოაწერეს.

ცნობისთვის, შარლ მიშელი საქართველოში დღეს ჩამოვიდა. ის უკვე შეხვდა საქართველოს პრეზიდენტს სალომე ზურაბიშვილს და პრემიერ-მინისტრ ირაკლი ღარიბაშვილს.