პარლამენტის ადამიანის უფლებათა დაცვის კომიტეტის თავმჯდომარის მიხეილ სარჯველაძის ინფორმაციით, საპარლამენტო პოსტების ოპოზიციისთვის განაწილებასთან დაკავშირებული გადაწყვეტილებები საშემოდგომო სესიისთვის იქნება მიღებული.

როგორც დეპუტატმა ჟურნალისტებთან საუბრისას აღნიშნა, ვადები ხელმოწერილი შეთანხმებით განსაზღვრულია.

„შეთანხმება პოლიტიკური მნიშვნელოვანი აქტია და აქვს უნარი იმისა, განმუხტოს არსებული პოლარიზაცია", - აღნიშნა სარჯველაძემ.

კითხვაზე, მოხდება თუ არა პარლამენტის ადამიანის უფლებათა დაცვის კომიტეტის თავმჯდომარის პოსტის ოპოზიციის წარმომადგენლისთვის დათმობა, სარჯველაძემ აღნიშნა, რომ კონკრეტულად როგორ წარიმართება პროცესი, ამაზე დღეს საუბარი ნაადრევია, ფართო მსჯელობა კი, მომავალში წარიმართება.