ავთანდილ ენუქიძემ და გელა მიქაძემ შეთანხმების დოკუმენტს ხელი მოაწერეს

„ევროპელი სოციალისტების“ წევრები, დეპუტატები ავთანდილ ენუქიძე და გელა მიქაძე საქართველოში ევროკავშირის წარმომადგენლობის ოფისში მივიდნენ და ევროპული საბჭოს პრეზიდენტის შარლ მიშელის მიერ შეთავაზებულ შეთანხმების დოკუმენტს ხელი მოაწერეს. როგორც ხელმოწერის შემდეგ ავთანდილ ენუქიძემ ჟურნალისტებს განუცხადა, მან დოკუმენტს ხელი იმიტომ მოაწერა, რომ „დაწყნარდება ქვეყანა და მშვიდობა იქნება“.

„მსოფლიოში ყველა პრობლემა არაფრით იჭრება, მაგრამ უმეტესობა გადაიჭრება. რა გადაიჭრება, ვნახოთ. ის, რაც უნდა განმუხტულიყო, განიმუხტება და ვისაც არ უნდა, რომ განიმუხტოს, არ განმუხტავს, რევოლუცია ვისაც უნდა. ვინც დარჩება და კიდევ ქუჩაში გადაიტანს რაღაცებს, მას უნდა რევოლუცია. არ ვიცი ახლა, „ნაციონალური მოძრაობა" იქნება თუ სხვა, გამოჩნდება. მე ყველაზე პირველი შევედი პარლამენტში იმიტომ, რომ ქუჩაში ყოფნა არ მინდოდა“, - განაცხადა ენუქიძემ.

მან აღნიშნა, რომ ამნისტიის კანონის მომზადებაში ჩაერთვება.

„ამნისტია პოლიციელებსაც უნდა შეეხოს, რა შუაშია პოლიტპატიმარი? აქ პოლიტპატიმარი არავინ არის. საქართველოში პოლიტპატიმარი არ არის.

ჩვენ ხომ შერიგებისკენ მივდივართ, ამდენი ხანი მთელი ევროპა და აშშ ეხვეწება ამათ, შერიგდითო, კი ბატონო შერიგდნენ და მე ეს მიხარია, მაგრამ მაშინ ცოტა უკანაც გადავიხედოთ. ბოდიში და ვინც გააუპატიურეს და მოკლეს, მათ მშობლებს აღარ ეკითხებით, ეს შერიგება უნდათ თუ არა? მაგრამ უნდა შევრიგდეთ“, - განაცხადა ენუქიძემ.

მისი თქმით, პოლიტიკური დღის წესრიგი უნდა შეიცვალოს.

„რამდენი ხანი უნდა იომოს 3 მილიონამდე მოსახლეობამ, ეს არის აქ, მეტი არაფერი, თორემ სულ არ მიყვარს ზოგიერთი ის ხალხი, ვინც იქ შემოვა, მაგრამ უნდა შემოვიდეს და შევრიგდეთ, თორემ ერთმანეთი რომ დავხოცოთ, რა გამოვა?!“ - განაცხადა ენუქიძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!