სამართლიანი მგონია, რომ გოგი წულაიამ ბიძინა ივანიშვილს და მის ოჯახს ადამიანურად ბოდიში მოუხადოს, - ამის შესახებ ჟურნალისტებს „გირჩის“ წარმომადგენელმა იაგო ხვიჩიამ განუცხადა.
„რაც შეეხება საქმეს, ვინმე დამნაშავე არის თუ არა, საქმეს საკმარისად არ ვიცნობ. ბოდიში ცუდი ქცევისთვის უნდა მოუხადოს. გამოხატვის თავისუფლებაში ბევრი რამ ჯდება, მაგრამ სხვა ადამიანების წინააღმდეგ არ ვიყენებთ“, - განაცხადა ხვიჩიამ.
ოპოზიციური პოლიტიკური პარტიები გოგი წულაიას წინააღმდეგ წარმოებული „პოლიტიკური ანგარიშსწორების“ შეწყვეტას ითხოვენ. ამასთან დაკავშირებით მათ ერთობლივი განცხადება გაავრცელეს.