ქარელის მუნიციპალიტეტში, გამყოფ ხაზთან მდებარე სოფელ ტახტიძირთან საოკუპაციო ძალების წარმომადგენლები გამოჩნდნენ და სოფლის პერიმეტრზე სპეციალური ტექნიკით ხნულები გაავლეს.

ადგილობრივების ინფორმაციით, ე.წ. სასაზღვრო დანაყოფის წარმომადგენლებმა ამავე ტერიტორიაზე ლითონის ბოძები რამდენიმე დღის წინ მიიტანეს.

ადგილობრივების თქმით, აღნიშნულ ტერიტორიაზე მავთულხლართები გავლებული არ არის, თუმცა, 2008 წლის ომის შემდგ, საოკუპაციო ძალების წარმომადგენლებმა ე.წ. სასაზღვრო ბანერები დაამონტაჟეს და ტახტიძირის მოსახლეობა ამ ტერიტორიაზე გადაადგილებას ვეღარ ახერხებდა.