იურიდიულ საკითხთა კომიტეტის თავმჯდომარის ანრი ოხანაშვილის განცხადებით, კახა კუჭავა გამოკვეთილი ლიდერია და ის წარმატებული სპიკერი იქნება.

გარდა ამისა, როგორც ოხანაშვილმა აღნიშნა, არჩილ თალაკვაძე გუნდის ერთ-ერთ ლიდერად დარჩება.

„მგონი დამატებითი კომენტარი აზრს მოკლებულია, რადგან თავად არჩილ თალაკვაძემ განმარტა არგუმენტებიდან გამომდინარე, რატომ მიიღო ეს გადაწყვეტილება. მე შემიძლია, მადლობა გადავუხადო გაწეული საქმიანობისთვის. არჩილ თალაკვაძე რჩება გუნდის ერთ-ერთ ლიდერად. ასე რომ, წარმატებას ვუსურვებ ბატონ კახა კუჭავას, რომელიც ასევე არის გამოკვეთილი ლიდერი, საპარლამენტო საქმიანობის კარგი გამოცდილება აქვს და დარწმუნებული ვარ, წარმატებული სპიკერი იქნება”,- განაცხადა ოხანაშვილმა.

ცნობისთვის, პარლამენტის თავმჯდომარის პოსტზე მმართველმა გუნდმა კახა კუჭავა წარადგინა. სპიკერის თანამდებობა არჩილ თალაკვაძემ ორი დღის წინ დატოვა.