ანრი ოხანაშვილი - ამნისტიის შესახებ კანონში იქნება კონვენციური დათქმა და თუ ვინმეს მიერ გამოიკვეთება წამების, არაადამიანური მოპყრობის ჩადენა, ამნისტია არ შეეხება

ჩვენ გამოვცემთ ამნისტიის აქტს ყველა იმ სტანდარტის დაცვით, იმ ტერმინოლოგიით, როგორც ეს შეთანხმებაშია გაწერილი და რა სულისკვეთებაც იყო სწორედ იმ მხარის მხრიდან, რომელმაც ამნისტიის აქტი შემოგვთავაზა, - ამის შესახებ ჟურნალისტებს იურიდიული კომიტეტის თავმჯდომარე ანრი ოხანაშვილმა განუცხადა.

მისივე თქმით, „ქართული ოცნება“ იმ შეთანხმების ერთგული რჩება, რა შეთანხმებასაც ხელმომწერმა პარტიებმა მიაღწიეს.

„ქართული ოცნება“ ევროპული ღირებულებების ერთგულია, შესაბამისად, ყველაფერს გავაკეთებთ იმისთვის, რომ ვერავინ შეძლოს ამ შეთანხმების ჩაშლა, რისი დიდი რისკებიც არის. ჩვენ გამოვცემთ ამნისტიის აქტს ყველა იმ სტანდარტის დაცვით, იმ ტერმინოლოგიით, როგორც ეს შეთანხმებაშია გაწერილი და რა სულისკვეთებაც იყო სწორედ იმ მხარის მხრიდან, რომელმაც ამნისტიის აქტი შემოგვთავაზა. ამნისტიის აქტი ჩვენ არ დაგვისვამს დღის წესრიგში. ჩვენი არანაირი ინტერესი არაა ამნისტიის გამოცემა და ვინაიდან ეს შეთანხმების საგანია, ჩვენ უპირობოდ მივიღეთ ეს შემოთავაზება. ჩვენ მას იმ ტერმინოლოგიით გამოვცემთ, როგორც ეს არის შეთანხმებაში ასახული. ვისურვებ, რომ ეს კანონპროექტი ერთად დავაინიციროთ. გუშინ შევხვდით, იყო როგორც აზრთა თანხვედრა, ასევე აზრთა სხვადასხვაობა. ვნახოთ, თუ დავაახლოვებთ პოზიციებს, ჩვენ ამისი სურვილი გვაქვს და იქნება ერთი კანონპროექტი. თუ ასეთი არ იქნება, მაშინ „ქართული ოცნება“ ნაკისრ ვალდებულებას შეასრულებს, დააინიცირებს კანონპროექტს, დანარჩენი ოპოზიციაზე იქნება დამოკიდებული.

ამნისტია არ შეეხება და არავის აქვს მიზნად და აზრად შეეხოს ისეთ ადამიანს, ვინც შესაძლოა ჩაიდინა წამება, არაადამიანური, ღირსების შემლახავი მოპყრობა, შესაბამისად ,ეს სპეკულაციები რომ გამოვრიცხო, მიდგომა იქნება ერთიანი და თანაბარი, იქნება კონვენციური დათქმა და თუკი ვინმეს მიმართ შესაძლებელია გამოიკვეთოს კონვენციური მუხლის სტანდარტის შესაძლო დარღვევა, რა თქმა უნდა, მათ არ შეეხებათ,“ - განაცხადა ოხანაშვილმა.

გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 06.12.2021
„ტო­ი­ო­ტა ცენ­ტრ თბი­ლი­სის“ ხარისხის მართვის მენეჯერი - ორიგინალი წარმოების ქარხნული ავტონაწილები ავტომობილის ექსპლუატაციის ვადას რეალურად ახანგრძლივებს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“