სირიაში დე ფაქტო აფხაზეთის ე.წ. ელჩი ბაგრატ ხუტაბა სირიის ეკონომიკისა და ვაჭრობის მინისტრს მუჰამედ სამერ ალ-ხალილს შეხვდა, - ამის შესახებ ინფორმაციას „სპუტნიკ- აფხაზია“ სირიაში აფხაზეთის ე.წ. „საელჩოზე“ დაყრდნობით ავრცელებს.

მათივე ინფორმაციით, შეხვედრაზე აფხაზეთსა და სირიას შორის „ორმხრივი ეკონომიკური და სავაჭრო ურთიერთობების“ საკითხები განიხილეს.

ამასთან, ე.წ. აფხაზეთის საელჩოში 25 აპრილს ასევე გაიმართა შეხვედრა სირიაში ომანის სასულთნოს საგანგებო და სრულუფლებიან ელჩთან ბენ მაჰმუდ ალბუ საიდთან.

„ომანის ელჩმა აფხაზეთის ელჩს აფხაზეთის საელჩოს გახსნა მიულოცა და აფხაზეთსა და მის ხალხს მშვიდობა და კეთილდღეობა უსურვა,“ - აცხადებენ ე.წ. „საელჩოში“.