ხათუნა სამნიძე ამნისტიაზე - გრძელდება ურთიერთობა, აზრების გაცვლა და ვცდილობთ ორივე მხარემ დავაახლოვოთ პოზიციები - არც ის არ არის კატასტროფა თუ ორი სხვადასხვა კანონპროექტი იქნება

ჯერ კიდევ ვიტოვებ იმედს, რომ შეიძლება შეთანხმება შევძლოთ, მაგრამ არ ვარ დარწმუნებული და არც იმაში არ ვარ დარწმუნებული, რომ ხელმოწერის შემდეგ "ქართული ოცნება" ძალიან რაციონალურად შეხედავს ვითარებას - გრძელდება ურთიერთობა და აზრების გაცვლა და ვცდილობთ ორივე მხარემ დავაახლოვოთ პოზიციები, - ამის შესახებ „რესპუბლიკური პარტიის“ ლიდერმა ხათუნა სამნიძემ ოპოზიციური პარტიების შეხვედრის შემდეგ განაცხადა.

მისივე თქმით, „ქართულმა ოცნებამ“ უნდა გააცნობიეროს, რომ ამნისტიის კანონის მიღება მათი პასუხისმგებლობაა.

„ფართო ამნისტიას არავინ არ დათანხმდება ოპოზიციური პარტიებიდან. ჩვენი პრინციპები არის, რომ ეს გავრცელდეს მხოლოდ იმ მუხლებზე, რომლებზეც უკვე აღძრულია საქმე, ანუ ლაპარაკია ერთ მუხლზე და ვიცით, რომ სამ პოლიციელზეა საუბარი, ვიცით, რომ კონვენციური მუხლები ვერ ჩაიწერება იმიტომ, რომ დაცულია და ამნისტირებული არ იქნება და არ ეხება მაღალი თანამდებობის პირებს.

იქიდან გამომდინარე, რა სულისკვეთებაც არის ჩვენს მიერ ხელმოწერილ დოკუმენტში - რამდენად დიდია მოლოდინი ჩვენი საზოგადოების და საერთაშორისო საზოგადოების იმაზე, რომ პირველი ნაბიჯები გადაიდგას, რაც არის ამნისტიაზე შეთანხმება, მე ვიტოვებ ჯერ კიდევ იმედს, რომ შეიძლება შევძლოთ შეთანხმება, მაგრამ რა თქმა უნდა, არ ვარ დარწმუნებული და არც იმაში არ ვარ დარწმუნებული, რომ ხელმოწერის შემდეგ "ქართული ოცნება" ძალიან რაციონალურად შეხედავს ვითარებას.

გრძელდება ურთიერთობა და აზრების გაცვლა. ვცდილობთ ორივე მხარემ დავაახლოვოთ პოზიციები და ხვალ დარეგისტრირდეს ერთი კანონპროექტი, სადაც ჩვენ შეთანხმებული ვიქნებით. არავის არ აქვს ილუზია, რომ დოკუმენტზე ხელმოწერის შემდეგ, უცებ, რაციონალური გახდება "ქართული ოცნება", რაციონალური რომ იყოს, მაშინ ის შეგვითანხმდებოდა და ერთი კანონპროექტი იარსებებდა უკვე, მაგრამ ჯერ კიდევ დრო გვაქვს და იმედი მაქვს, რომ შევძლებთ, თუ არადა არც ის არ არის კატასტროფა თუ ორი სხვადასხვა კანონპროექტი იქნება, საზოგადოება ნახავს, ვის რა შეხედულება აქვს ამნისტიაზე. მთავარია , რომ ახლა ჩვენ რა ვალდებულებაც გვაქვს აღებული ეს არის ამნისტიის კანონის მიღება - ამ ნაწილში „ქართული ოცნება“ და ოპოზიცია ვიყოთ ერთიანი, რომ მივიღოთ ერთიანი კანონი , შევთანხმდეთ და შევასრულოთ ვალდებულება. ეს არ არის სასიამოვნო პროცესი, არ არის ადვილი პროცესი, ვერ ვთანხმდებით დღემდე, მაგრამ ორივე მხარემ უნდა გავაცნობიეროთ ჩვენ, ოპოზიცია ამას ვხედავთ, „ქართულმა ოცნებამ“ უნდა გააცნობიეროს პირველ რიგში, რომ ვალდებულებაა მისი, რომ მივიღოთ ამნისტიის კანონი და ამით შევასრულოთ პირველი პუნქტი ჩვენი ხელშეკრულების”, - განაცხადა სამნიძემ.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია