ვახტანგ მეგრელიშვილი - თუ ამნისტიას ორივე მხარე არ დათანხმდა და ამ აქტის მნიშვნელობაზე არ შეთანხმდნენ, მის მიღებას აზრი არა აქვს

თუ ამნისტიას ორივე მხარე არ დათანხმდა და ამ აქტის მნიშვნელობაზე ორივე მხარე არ შეთანხმდა, მის მიღებას აზრი არა აქვს, - ეს განცხადება ჟურნალისტებთან „გირჩის" დეპუტატმა ვახტანგ მეგრელიშვილმა გააკეთა.

მისივე თქმით, „პუტინის აგენტების" ძახილი უნდა დასრულდეს და მხარეები თანამშრომლობის რეჟიმზე გადავიდნენ.

„ამნისტიის არსი, როგორც ის მედიატორების მხრიდან იყო მოწოდებულო, იყო ის, რომ როგორც მინიმუმ, ამ ქვეყანაში პოლარიზაცია შემცირებულიყო. პოლარიზაციის შემცირება იმას ნიშნავს, რომ რაღაც მოვლენები, რომლის მიმართაც მხარეებს ერთმანეთისგან რადიკალურად განსხვავებული წარმოდგენა აქვთ - 20 ივნისის მოვლენებთან დაკავშირებული ჩხუბი, რაღაცნაირად გადაგველახა. ეს იყო ევროპელების მოტივაცია", - განაცხადა ვახტანგ მეგრელიშვილმა.