კობა გვენეტაძე - ეროვნული ბანკის ამოცანა არ არის და ვერ იქნება ლარის გაცვლითი კურსის მართვა

იმ გამოწვევების გამო, რომელიც ქვეყანამ განიცადა უცხოური ვალუტის შემოსავლებთან დაკავშირებით, რა თქმა უნდა, შეუძლებელი იყო, რომ კურსის კორექტირება არ მომხდარიყო, - ასე უპასუხა ეროვნული ბანკის პრეზიდენტმა, კობა გვენეტაძემ „ინეტრპრესნიუსის“ შეკითხვას, რომელიც ეროვნული ვალუტის გაუფასურებას შეეხებოდა.

როგორც გვენეტაძემ განმარტა, საქართველოში არის მცურავი გაცვლითი კურსი, რომელიც გახსნილი ეკონომიკის ქვეყნისათვის უალტერნატივოა.

„საქართველოში არის მცურავი გაცვლითი კურსის რეჟიმი და აღნიშნული რეჟიმი ინფლაციის თარგეთირებასთან ერთად, მოიაზრებს მონეტარული პოლიტიკის განაკვეთის ისეთ ცვლილებას, რომ ინფლაციის, მისი მიზნობრივი ნიშნულისკენ სვლა განაპირობოს საშუალოვადიან პერიოდში, ამით მიღწეულ იქნას ფასების სტაბილურობა.

ეროვნული ბანკის ამოცანა არ არის და ვერ იქნება ლარის გაცვლითი კურსის მართვა. არც რომელიმე ვალუტის კურსის მართვა. საქართველოში არის მცურავი გაცვლითი კურსი, რომელიც გახსნილი ეკონომიკის ქვეყნისათვის უალტერნატივოა. შეიძლება ითქვას იმ ქვეყნებისთვის, რომლებსაც დადებითი ბალანსი აქვს მიმდინარე ანგარიშის, დიდი საერთაშორისო რეზერვები, კურსის დაფიქსირება იგივე ამერიკულ დოლართან ან ევროსთან ძალზედ ხარჯიანი და საფრთხის შემცვლელი იქნება“, - განაცხადა კობა გვენეტაძემ.

როგორც გვენეტაძემ აღნიშნა, კურსის სტაბილურობისთვის ვაქცინაციის ტემპის დააჩქარა მნიშვნელოვანია, რადგან ამას ტურისტების ზრდა მოჰყვება.

„ჩვენ გვაქვს ყოველდღიური ურთიერთობა, როგორც ფინანსთა სამინისტროსთან, ასევე ეკონომიკის სამინისტროსთან. ვხვდებით, ვსაუბრობთ, განვიხილავთ საკითხებს. გეგმას რაც შეეხება - ეს არის ვაქცინაციის წარმართვა, ვაქცინაციის ტემპის დაჩქარება, წესების დაცვა, რომელსაც ტურისტების ზრდა მოჰყვება და შეანელებს დაწოლას წნეხზე გაცვლით კურსზე. ინტერვენციებს რაც შეეხება, წელს უკვე ჯამში 250 მილიონი დოლარი გავყიდეთ, შარშან - 916 მილიონი, რაც საკმაოდ დიდი თანხებია. რეზერვების დაგროვების გარეშე შეუძლებელი გახდებოდა ამის გაკეთება. ასევე, სწორი მაკროეკონომიკური პოლიტიკის შედეგიც, რომელიც მიიღო ქვეყანამ. ასევე, იმ ადეკვატური ნაბიჯების მიღება რაც მნიშვნელოვანია, თუნდაც დღევანდელი გადაწყვეტილება.

საბანკო და არასაბანკო ფინანსურ სფეროსაც, რომ შევეხოთ ზუსტად იმ ზომების განხორციელება, ძალიან ბევრი ნაბიჯი გადავდგით და კიდევ გვაქვს დაგეგმილი. ეს არის ზუსტად ის ნაბიჯები, ის გეგმა, რომელიც შეასუსტებს წნეხს გაცვლით კურსზე. სხვანაირად ეს აბსოლუტურად შეუძლებელია“,- აღნიშნა გვენეტაძემ.

სებ-ის პრეზიდენტის განცხადებით, სხვა თანაბარ პირობებში, პოლიტიკური სტაბილურობა მნიშვნელოვანია ეკონომიკური განვითარებისთვის და სტაბილურობისთვის.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს