შალვა პაპუაშვილი - "ნაცმოძრაობის" და "ევროპული საქართველოს" აგონიაა, რომლებიც ვერ აცნობიერებენ, რომ დამარცხდნენ

ეს არის აგონია "ნაციონალური მოძრაობისა" და "ევროპული საქართველოსი", რომლებიც ვერ აცნობიერებენ, რომ დამარცხდნენ, - ასე ეხმიანება საპარლამენტო უმრავლესობის წევრი შალვა პაპუაშვილი ამნისტიის კანონპროექტის გაწვევის თაობაზე ნიკა მელიას პოზიციას.

მისი თქმით, მელია ეძებს გზებს, რომ რამენაირად ისე გამოვიდეს, რომ საკუთარი რეპუტაცია შეინარჩუნოს.

რაც შეეხება კიდევ ერთ ინიციატივას, რომელიც "ლელოს"ლიდერმა მამუკა ხაზარაძემ გაახმოვანა, რაც 20 ივნისის საქმეზე საგამოძიებო კომისიის შექმნას გულისხმობს, პაპუაშვილი მასაც შეთანხმების აღსრულების ჩაშლის მცდელობად აფასებს.

"თუკი ასეთი ინიციატივა არსებობს, ეს ადასტურებს ერთადერთ რამეს, ეს არის კიდევ ერთი მცდელობა, რომ შეთანხმების შესრულება ჩაიშალოს და შემოაგდონ ახალი თემა. სალაპარაკო თემა არის ერთადერთი, ეს არის შარ მიშელის დოკუმენტი, სადაც ყველაფერი შავით თეთრზე წერია. გუშინწინ ამბობდნენ, რომ მზად არის გამოვიდეს, თუ ევროპარლამენტარები თავდებში დაუდგებიან, მერე თქვა, რომ არა, მზად არის იმ შემთხვევაში გამოვიდეს, თუ ისინი გადაუხდიან გირაოს, ახლა ამბობენ, რომ საგამოძიებო კომისია უნდა იყოს და ამის შედეგი რა იქნება, გამოვა?- არ ვიცი, ეს არ უთქვამთ. ეს არის აგონია "ნაციონალური მოძრაობისა" და "ევროპული საქართველოსი", რომლებიც ვერ აცნობიერებენ, რომ დამარცხდნენ, დასრულდა ის ბრძოლა რაც მათ ჰქონდათ დემოკრატიული ინსტიტუტების წინააღმდეგ. აქ არის გამოსავალი, რომ ან აღიარონ ეს მარცხი, მოაწერონ ხელი შეთანხმებას და შემოვიდნენ ან გააჯიუტდნენ ამ თავის მარცხში, არ აღიარონ და მარგინალიზირდნენ საბოლოო ჯამში,"- განაცხადა პაპუაშვილმა.

გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 06.12.2021
„ტო­ი­ო­ტა ცენ­ტრ თბი­ლი­სის“ ხარისხის მართვის მენეჯერი - ორიგინალი წარმოების ქარხნული ავტონაწილები ავტომობილის ექსპლუატაციის ვადას რეალურად ახანგრძლივებს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“